2020 jylǵy 16 naýryzdaǵy jaǵdaı boıynsha bankterde, MQU-da, lombardtarda, elektrondyq mıkrokredıttik seriktestikterde jáne basqa qarjylyq uıymdarda 1,5 mıllıonǵa jýyq qaryz alýshy bar. Bul málimetterdi Birinshi nesıelik bıýromen ótken onlaın jıyn barysynda bildik.
BNB Qazaqstan Respýblıkasy Qarjy naryǵyn retteý jáne damytý agenttiginiń №167 buıryǵyna sáıkes nesıelik bıýrolar arnaıy mınıstrlikter tobymen birge keıinge qaldyrylǵan nesıe alýǵa quqyǵy bar 15 erekshe sanattaǵy (Buıryqta kórsetilgen) qaryz alýshylardyń tizimderimen tanys ekenin aıtty.
«BNB baılanys jáne tıisti derekterdi jetkizýdiń túrleriniń jumysyn jetildirdi. Qaryz alýshynyń arnaıy sanatynyń mártebesin tekserý boıynsha aqysyz qyzmet avtomatty túrde (API) de, qol rejıminde de (PCB veb-ınterfeısi) qol jetimdi onlaın rejıminde júzege asyrylady. Sonymen birge Ulttyq bankte eseptik tirkeýdi ala almaǵan jáne nesıelik bıýromen jumys jasamaǵan kompanııalar shette qalmady. Olardyń kópshiligi lombardtar. BNB nesıe berýshilerdiń osy segmenti úshin arnaıy https://susn.1cb.kz portaly jasaldy, ony tirkeý arqyly nesıe bıýrosymen jumys jasamaıtyn uıymdar óz qaryz alýshylardyń jaǵdaıyn ǵalamtor arqyly teksere alady», delingen habarlamada.
Buǵan deıin Qazaqstanda 1,3 mıllıonnan astam qaryz alýshy nesıesin tóleýdi keıinge qaldyrý týraly ótinish jazǵanyn, jeke jáne ShOB sýbektilerinen 1,5 mıllıonnan astam ótinish kelip túskenin jazǵan bolatynbyz.
«Portaldaǵy aqparat tegin jáne tótenshe jaǵdaı kezinde qol jetimdi bolady. Derekter tıisti mınıstrliktermen merzimdi túrde jańartylyp otyrady. Barlyq qazaqstandyqtardyń jeke derekteri qorǵalǵan», - dep atap ótti BNB.
