Atyraýda Qazaqstan Qarýly Kúshteriniń áskerı qyzmetshileri turǵyn úılerdiń kireberisterinde dezınfeksııa jumystaryn júrgize bastady. Barlyq yqsham aýdandar men olarǵa irgeles aýmaqtardy, oıyn alańdary, alańdar men saıabaqtar, memlekettik mekemeler, bazarlar, vokzaldar men áýejaı aýmaǵyn aıaqtaǵannan keıin olar turǵyn úılerdiń barlyq kireberisterin aralap, oıyn alańdaryn qaıta zalalsyzdardyrýda josparlap otyr.
-Atyraý qalasynda dezınfeksııalaý jumystary bastalǵannan beri jalpy aýmaǵy 300 myń sharshy metrden asatyn 126 túrli obektiler zalalsyzdandyryldy. Osy jumystar barysynda biz arnaıy «Rýbej» qospasy men kalsıı gıpohlorıtin qoldanyp jatyrmyz. Qospany daıyndaý kezindegi qoldanylatyn zattardyń úlesi adamdar men janýarlarǵa esh qaýip tóndirmeıdi, deıdi «Batys» óńirlik qolbasshylyǵynyń RHB qorǵanys kúshteriniń bastyǵy.Almas Nesipqalıev,
Búgingi tańda 100-ge jýyq áskerı qyzmetshi sanıtarlyq jumystarǵa tartylǵan. Olar 20 adamnan turatyn 5 topqa bólingen. Zalalsyzdandyrý jumystary IDK-1 jeke degazasııalyq jıyntyǵy kómegimen júzege asyrylady. Jınaq búrký prınsıpi arqyly jumys isteıdi. Bir kireberiste, orta eseppen 20 lıtr eritindi qajet.
Aıta ketsek, karantın rejımin qamtamasyz etý sharalary aıasynda Atyraý qalasyna 195-ten astam ásker jumyldyrylǵan. Koronavırýstyń taralýyn boldyrmaý úshin Qorǵanys mınıstrligi qalalardaǵy kóshelerdi, ǵımarattar men halyq kóp jınalatyn jerlerdi sanıtarlyq tazartý úshin radıasııalyq, hımııalyq jáne bıologııalyq qorǵanys jasaqtaryn jiberdi.
Mańǵystaý oblysy
