Daýys berý aıaqtalǵannan keıin «Edınaıa Rossııa» partııasynyń depýtaty Inga Iýmasheva zań jobasynyń kóptegen reseılikterdiń narazylyǵyn týǵyzǵany týraly pikirtalasty bastaýǵa tyrysty. Alaıda, tómengi palatanyń spıkeri Vıacheslav Volodın Iýmashevanyń sózin bólip, profıldik komıtet zańnamalyq bastamany qoldady jáne ekinshi oqylym ótti dep málimdedi.
Zań jobasy tıisti organdarǵa (Ishki ister mınıstrligi, Qorǵanys mınıstrligi, Bilim jáne ǵylym mınıstrligi) ýákiletti organǵa (Federaldy salyq qyzmeti) elektrondy aqparat usyný arqyly memlekettik organdardyń, memlekettik bıýdjetten tys qorlardyń memlekettik organdarynyń memlekettik aqparattyq júıelerindegi aqparat negizinde biryńǵaı federaldy aqparattyq tirkelimdi qurýdy usynady.
Aqparattyq tirkelimde tek Reseı azamattary týraly ǵana emes, sonymen birge Reseı Federasııasynda ýaqytsha nemese turaqty turatyn sheteldikter men azamattyǵy joq adamdar, bosqyndar dep tanylǵan nemese elge ýaqytsha baspana berilgender týraly málimetter bolady.
Federaldy tirkelimge jeke tulǵalar týraly kelesi málimetter qosylady: aty-jóni, týǵan jyly, qaıtys bolǵan kúni, qaıtys bolǵan jeri, jynysy, otbasy jaǵdaıy, azamattyǵy, tólqujat málimetteri.
«Halyqtyń federaldy aqparattyq tizilimindegi aqparat memlekettik jáne mýnısıpaldy organdarǵa, HQK-ǵa, notarıýstarǵa, sondaı-aq jeke tulǵaǵa nemese onyń zańdy ókiline beriledi» delingen zań jobasynyń mátininde.
