Eske salaıyq, 2020 jyldyń qarsańynda ShOB salasynda 3,4 mıllıonǵa jýyq qazaqstandyq jumys istedi. Kompanııalar men bankter birinen soń biri daǵdarystyń yqpalyn álsiretýdiń múmkindikterin aıtyp, jobalaryn usynyp jatyr. Keshe Eýrazııalyq bank ókilderi jýrnalıstermen onlaın júıede kezdesip, múmkindikteriniń nege jetetinin saralap kórdi.
Búgingi tańda qıyn jaǵdaıda nesıe alǵan kásipkerler bar. Osylaısha, Eýrazııalyq bank óz klıentterine - ShOB-ke 90 kúnge deıingi nesıeler boıynsha keıinge qaldyrýǵa múmkindik berdi. Onyń yńǵaılylyǵy, birinshiden, ol onlaın rejıminde shyǵarylsa, ekinshiden, klıent osy somany tóleý merzimin - tórtinshi aıǵa nemese nesıe merziminiń sońynda, ıaǵnı kez-kelgen yńǵaıly ýaqytta ózi tańdaıdy. Keıinge qaldyrýǵa ótinish berý úshin onlaın rejıminde ótinish berý jetkilikti, al klıent arnaıy nysanda nesıeni tóleý kezinde ózine yńǵaıly parametrlerdi tańdaýy qajet.
Eýrazııada Internet-bankıngi joq, biraq aǵymdaǵy shoty bar kásipkerler keıinge qaldyrylǵan nesıege ótinish bere alady. Ol úshin bank mobıldi aýtentıfıkatordy (MobilePASS) usyndy. Klıent osylaısha banktiń qashyqtyqtan qyzmet kórsetý júıesine aqysyz qol jetimdilikke ıe bolady. Ol úshin jasalynǵan kodty paıdalanyp, eki satyly aýtentıfıkasııaǵa arnalǵan qosymshany smartfonǵa ornatyp, kez-kelgen braýzer arqyly Klıenttiń bankine kirip, qajetti operasııalardy oryndaý qajet. Sondaı-aq, búginde kásipkerler qashyqtan jáne ashyq aǵymdaǵy shot ashyp, Klıent Bankine qol jetkize alady.
Ol úshin eubank.kz saıtynda shot ashýǵa ótinish qaldyrý kerek, sodan keıin bank qyzmetkeri klıentpen baılanysyp, shot ashýǵa jáne klıenttiń bankine qosylýǵa kómektesedi.
Kásipkerler tótenshe jaǵdaılardy engizý nátıjesinde zardap shekken ShOB qoldaý úshin jeńildetilgen nesıe baǵdarlamasynyń qatysýshysyna aınalýǵa múmkindik bar.
Qazirdiń ózinde kompanııalar Eýrazııalyq bankke aınalym kapıtalyn 12 aıǵa deıin 8%-dan aspaıtyn mólsherde tolyqtyrýǵa nesıe alýǵa júgine alady.
ShOB úshin nesıe somasy 3 mlrd teńgege deıin, jeke tulǵalar úshin 50 mln teńgege deıin nesıe beredi.
Nesıeni usyný jáne qyzmet kórsetý úshin komıssııa alynbaıdy, olar tek nesıe berý sharttary buzylǵan nemese ózgergen jaǵdaıda ǵana beriledi. Nesıe alý úshin kompanııalar ózderiniń qarjylyq jaǵdaıynyń nasharlaǵanyn rastaýy kerek. Bul ólshemderge mynalar jatady: satylatyn taýarlar / qyzmetter kóleminiń tómendeýi, klıentterden tólemniń keshiktirilýi, jumysshylar sanynyń qysqarýyn qujattar boıynsha dáleldeý kerek.
