Esterińizge sala keteıik, 31 naýryzda kóptegen kásipkerler tótenshe jaǵdaı kezinde nesıeler boıynsha syıaqy tólemeýin suraǵan.
Ekinshi deńgeıli bankter ózderiniń veb-saıttarynda ornalastyrylǵan keıinge qaldyrylǵan nesıeler sharttary týraly aqparatty taldaý negizinde, barlyq bankter bul qadamdy qabyldaǵan joq. Keıinge qaldyrý nesıe keshirý degendi bildirmeıdi. Azamattyq kodekske sáıkes kez-kelgen nesıe aqyly, jedel jáne qaıtarymdy negizde beriletinin túsiný kerek.
Sondyqtan, qaryz alýshy karantın ýaqyty aıaqtalǵan soń nesıesin keshiktirse nemese tolemese syıaqy mólsherlemesi ósedi.
«Osyǵan baılanysty nesıe uıymdary jeke tulǵalarǵa jáne ShOB sýbektilerine keıinge qaldyrylǵan nesıeler boıynsha syıaqy alýǵa quqyly», dep túsindirdi Qazaqstan Respýblıkasy Qarjy naryǵyn retteý jáne damytý agenttiginiń Qarjy qyzmetin tutynýshylardyń quqyqtaryn qorǵaý departamentiniń dırektory Aleksandr Terentev búgin jýrnalıstermen ótken vebınar jıynda.
Departament basshysynyń aıtýynsha, atalǵan sharttardyń úılesimi nesıeler boıynsha paıyzdyq mólsherlemeniń aıtarlyqtaı ósýin boldyrmaıdy jáne qaryz alýshyǵa óteýdiń yńǵaıly kestesin tańdaý quqyǵyn beredi.
Buǵan deıin biz 1,3 mıllıon qazaqstandyq azamattyń banktik qaryzdy keıinge qaldyrǵanyn jazǵanbyz.
Shaǵyn jáne orta bıznestiń toǵyz myńnan astam ókili nesıe boıynsha barlyq tólemderdi ýaqytsha toqtata turý quqyǵyn aldy.
