Sonymen qatar elordalyq Qýyrshaq teatry, karantın kezinde «Egemen Qazaqstan» gazetimen birlese «Balalarǵa bazarlyq» (Ertekshi qýyrshaq teatrynyń beldi aktrısasy Saltanat Maǵzym) atty jobasyn qolǵa aldy. Atalmysh joba nátıjesinde, keshki saǵat 19.00-de Egementv YouTube arnasynda kishkentaı kórermenderimizge qazaq halqynyń ertegilerin tyńdaýǵa taǵy bir múmkindik týdy.
Osy ýaqytqa deıin Nur-Sultan qalasy qýyrshaq teatry Qazaqstannyń eńbek sińirgen ártisi, qazaq qýyrshaq teatrynyń tuńǵysh kásibı rejısseri Quralaı Eshmuratovamen, Qazaqstannyń eńbek sińirgen qaıratkeri, akter Ǵanı Quljanovpen, teatr ártisteri «Mádenıet salasynyń úzdigi» Saltanat Maǵzymmen, Darhan Músilimovpen, Nurjan Ahmetovpen, Aıjan Sadyqovamen, Damır Ýteevpen, Qarlyǵash Tanabaevamen, Ábilhaıyr Sálimbaevpen, rejısser Aıjan Salaevamen, Ádebıet bóliminiń meńgerýshisi Qýat Ejembekpen súbeli suhbat ótkize bildi. Jáne tótenshe jaǵdaı kezinde «BIZ BIRGEMIZ» aksııasyn qoldap, teatr basshylyǵy, ákimshiligi jáne jalpy qyzmetkerleri qoldan 950 betperde tigip, ony muqtaj jandarǵa, ardagerlerge, zeınetkerlerge tegin taratty.
– Bala tárbıesiniń besigi sanalatyn Qýyrshaq teatry qashanda qalyń jurtymen birge. Teatrdyń basty maqsaty – syn saǵatta qol ushyn sozyp, kópshilikke úlgi bolý. О́ıtkeni, balalar qýyrshaq teatrynan ónege alyp, boı túzeıdi», – deıdi teatrdyń kórkemdik jetekshisi, Qazaqstannyń eńbek sińirgen ártisi Quralaı Eshmuratova.
