Ýnıversıtettiń qazaq fılologııasy kafedrasyuıymdastyrǵan onlaın konferensııaǵa Almatydan M.Áýezov atyndaǵy Ádebıet jáne óner ınstıtýty, A.Baıtursynov atyndaǵy Til bilimi ınstıtýty, Abaı atyndaǵy Qazaq Ulttyq pedagogıkalyq ýnıversıteti, Qazaq Ulttyq qyzdar pedagogıkalyq ýnıversıteti, Aqtóbeden Q.Jubanov atyndaǵy Aqtóbe óńirlik memlekettik ýnıversıteti, Shymkentten Ońtústik Qazaqstan memlekettik pedagogıkalyq ınstıtýty, Oraldan Batys Qazaqstan ınnovasııalyq-tehnologııalyq ýnıversıtetiniń ǵalym-ustazdary, oblystyq bilim jáne tilderdi damytý basqarmalary, Oral qalasyndaǵy fızıka-matematıka baǵytyndaǵy Nazarbaev Zııatkerlik mektebi jáne ózge de bilim berý uıymdarynyń ókilderi, joǵary oqý ornynyń stýdentteri men magıstranttary qatysyp, onlaın formatta plenarlyq májilisti júzge tarta adam tyńdap otyrdy.
Konferensııaǵa Túrkııanyń Ankara qalasynan arnaıy qosylǵan ǵalym, jazýshy, Eýrazııa Jazýshylar odaǵynyń tóraǵasy Iаkýb Omerogly Túrki órkenıetindegi Abaıdyń fenomendik tulǵasyna toqtalyp, Abaıdyń qazaq jurtyna ǵana emes, álemdik rýhanı órkenıettik tulǵaǵa aınalǵanyn atap ótti. Máńgilik adamzattyq máselelerdiń ózegin qozǵaǵan uly aqynnyń shyǵarmashylyǵy túrki halyqtary úshin de mańyzdy mura dep baǵa berdi. Aqynnyń shyǵarmashylyǵynyń shetel tilderine aýdarylýy, onyń ishinde túrki tiline aýdarylýdyń mańyzdylyǵyna toqtaldy.
M.Áýezov atyndaǵy Ádebıet jáne óner ınstıtýtynyń bas ǵylymı qyzmetkeri, Abaıtaný bóliminiń meńgerýshisi, fılologııa ǵylymdarynyń kandıdaty Serikqazy Qorabaı Abaı poezııasynyń renessanstyq sıpaty týraly sóz qozǵasa, fılologııa ǵylymdarynyń doktory, professor Murat Sabyr «Abaı poezııasynyń orta túrkilik ádebıetpen sabaqtastyǵy» taqyrybynda baıandama jasap, Abaı shyǵarmashylyǵyna áser etken túrkilik órkenıet týraly aıtty. Hákimniń shyǵarmashylyǵyn Altyn orda dáýiri muralarymen baılanystyra zertteý, onyń taqyryptyq, ıdeıalyq úndestigin, tildik derekterdi tereń taldaý qajettigi jaıly pikirlerimen bólisti.
Mahambet ýnıversıtetiniń janyndaǵy «Rýhanı jańǵyrý» ǵylymı-zertteý ınstıtýtynyń dırektory, pedagogıka ǵylymdarynyń doktory, professor Abat Qydyrshaev pen oqý ornynyń qazaq fılologııasy kafedrasy dosenti, fılologııa ǵylymdarynyń kandıdatyJangeldi Shaıekenov búgingi jas urpaq tárbıesi úshin Abaı ilimi men biliminiń mańyzdylyǵyna toqtaldy.
- Uly Abaıdyń 175 jyldyǵy qarsańynda Prezıdentimiz Qasym-Jomart Toqaevtyń «Egemen Qazaqstan» gazetinde jaryq kórgen «Abaı jáne HHI ǵasyrdaǵy Qazaqstan» atty maqalasynda HIH ǵasyrda ómir súrgen danyshpannyń qundy oılary HHI ǵasyrda da ózektiligin joǵaltpaǵanyn, ol oı-tujyrymdar men aqyl-keńes búgingi qoǵamǵa da rýhanı azyq bolyp qalatyny aıtty. Aqyn sóziniń qaı-qaısysy da mándi de maǵynaly ósıet. Abaı sol zamannyń ózinde bilim men ǵylym ilgerilemeı, eldiń damýy bolmaıtynyn anyq aıtqan. Bilim men ǵylymdy damytý arqyly ǵana órkenıetti damyǵan elderdiń kóshine ilesetinimiz anyq. Biz uly Abaıdyń shyǵarmalaryndaǵy adamzattyq qundylyq pen izgilikti sińirip, «tolyq adam» tujyrymyn keıingi urpaqtyń sanasyna sińirýimiz kerek. Abaıdyń ilimi jandy da, ardy da tazalaıdy. Ilim men bilimdi meńgergen, arly da izgi adam «tolyq adam» sanatynda bolmaq, - deıdi Mahambet ýnıversıtetiniń qaýymdastyrylǵan professory, fılologııa ǵylymdarynyń kandıdaty Rıta Sultanǵalıeva.
Onlaın konferensııada Abaı shyǵarmalaryn orta mektep júıesinde oqytýdyń jańa ádisteri de ortaǵa salyndy. Oral qalasyndaǵy fızıka-matematıka baǵytyndaǵy Nazarbaev Zııatkerlik mektebiniń ekspert-muǵalimi Jansaýle Maqsotova jańartylǵan bilim berý baǵdarlamasy boıynsha Abaı shyǵarmalaryn oqylym strategııalary arqyly meńgertý joldaryn kórsetýge arnalǵan sabaq úlgisin kórsetti.
Batys Qazaqstan
