Aımaqtar • 20 Sáýir, 2020

Elordalyq qýyrshaq teatryn onlaın 19 myńnan astam kórermen tamashalady

39 ret kórsetildi

Nur-Sultan qalasynyń qýyrshaq teatry 19 naýryzdan bastap qashyqtan jumys isteı bastady dep habarlaıdy elorda ákimdiginiń resmı saıty.

Qalalyq qýyrshaq teatrynyń ártisteri kópshilik qoıylymdardy onlaın túrde ótkizip jatyr. Teatr qyzmetkerleriniń jumys ýaqyty kúndizgi saǵat 14:00-de bastalyp, keshki saǵat 22:00-de aıaqtalady.

«Biz saǵat ekiden bastap sahnalyq qoıylymdardy beınetaspaǵa túsirip, ony Instagram, Facebook jelilerine júkteımiz. 14:30-da akterlik sheberlikke arnalǵan vıdeo sabaq, 15:00-de tikeleı efır uıymdastyrylady. Tikeleı efırge tek bizdiń ártister ǵana emes, ózge de teatrlardaǵy áriptesterimiz, sýretshiler, belgili balalar psıhologtary shyǵady», - deıdi Nur-Sultan qalasy qýyrshaq teatrynyń uıymdastyrý bólimi meńgerýshisi Meıirim Arǵymbaeva. 

Onyń aıtýynsha, YouTube arnasy arqyly qazaq, orys tilderinde bes qoıylym tamashalaýǵa bolady. 21 naýryz ben 18 sáýir aralyǵynda akterlik sheberlik pen sahnalyq qozǵalys boıynsha 21 master-klass ótken. 15 aýdıo ertegi jazylyp, sýretshi, psıholog, ártisterdiń qatysýymen 20 tikeleı efır uıymdastyrylǵan. Belgili bolǵandaı, qashyqtaǵy jumys kezinde qoıylymdar men efırlerdi 19 350 adam tamashalaǵan.

Aıta ketsek, Nur-Sultan qalalyq qýyrshaq teatry 2010 jyly ashyldy. Teatr ujymy alǵashqy kúnderden bastap jas kórermenderdi qyzyqty qoıylymdarymen qýantyp keledi. Onyń repertýarynda jas urpaqty otansúıgishtikke, adamgershilikke tárbıelep, til men mádenıetti, dástúrli qundylyqtardy qurmetteýge baǵyttalǵan 28 qoıylym bar. Teatr qurylǵannan beri kórermen nazaryna 28 premera usynylǵan.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar