Mysaly, Oracle kompanııasynda jumys isteıtin 136 myń adam qazir YouTube pen Zoom qyzmetterin sátti paıdalanyp, jumystaryn burynǵy qarqynmen jalǵastyrýda. Atap aıtsaq, vıdeokonferensııa arqyly mamandar ózara pikir almasý nemese jınalys sııaqty ofıste atqarylatyn jumystaryn ońaı júzege asytrýda. Kompanııa dırektorlar keńesiniń tóraǵasy Larrı Ellıson jumys isteýdiń osy formatyna óziniń rıza ekenin de aıtqan.
Tehnıkalyq qoldaý kórsetetin SAP Rimini Stree kompanııasynyń basshysy Set Ravın esebinshe barlyq mamannyń ofıste otyrǵany kerek emes eken. Sol sebepti de olar ofıs úshin jalǵa alynǵan ǵımarattarynyń jartysyn bosatpaqshy bolyp otyr. Basshynyń oıynsha, úıden jalyqqanda nemese asa bir qatty qajettilik bolǵanda ǵana kelip jumys isteýge bolatyn konferens-zaldardy qaldyrý qajet. Qazir kompanııanyń ár elde 30 úlken ofısi bar kórinedi.
Okta kompanııasynyń bas dırektory Todd MakKınnon pandemııa aldynda ofıster sanyn kóbeıtpekshi bolypty. Biraq qashyqtan jumys isteý óziniń oń nátıjesin bergen soń bul oıynan bas tartatynyn aıtyp otyr. Bul kompanııada 2200 adam álemniń ár túkpirindegi 12 ofıste jumys istegen.
Osylaısha, pandemııadan soń bıznesti uıymdastyrýdyń jańa túri týatyn sııaqty. Onyń tıimdiligi kóp bolatynyna esh shúbá bolmasy anyq. Osy rette otandyq kásipkerler men iri bıznes ókilderi de osyǵan nazar aýdarady degen senimdemiz.
