Qazirgi ýaqytta damý bankterinen alynǵan nesıeler 134,3 mlrd teńgeni, respýblıkalyq bıýdjetten qarjylandyrýǵa 86,7 mlrd teńge bólindi. Jıyntyǵy 221 mıllıard teńge.
Mınıstrlik negizgi ınvestısııalar agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasy aıasynda jasalynǵanyn aıtty. Baǵdarlamaǵa sáıkes, osy ýaqyt ishinde 610 myń gektar alqaptyń sýlandyrý ınfraqurylymyn qalpyna keltirý qajet.
Sonymen birge, 2017 jyldan bastap 2019 jylǵa deıin muny 146 myń gektar jerge, onyń ishinde 2019 jyly 66 myń gektar jerge jasaýǵa múmkindik týdy. Birinshi kezeńde 128,0 myń ga alqaptaǵy sýarmaly jerlerdiń ınfraqurylymyn qalpyna keltirý úshin Islam damý bankiniń (IDB), Eýropalyq qaıta qurý jáne damý bankiniń (EQDB) halyqaralyq qarjy uıymdarynan tartylǵan qarajat tartyldy» dep atap ótti Ekologııa mınıstrligi. Mınıstrlik 2017 jyldan bastap 2024 jylǵa deıin Almaty jáne Túrkistan oblystarynda sýlandyrý jáne drenajdyń jalpy kólemi 136,8 myń ga bolatyn jerlerin IDB qaryz qarajaty esebinen qalpyna keltirgenin qosty.
35,4 myń ga - Almaty oblysynda, 101 myń ga - Túrkistan oblysynda. Jobanyń jalpy quny 53,2 mlrd. Teńgeni quraıdy. Onyń 48,3 mlrd teńgesi - IDB, 4,9 mlrd teńge - respýblıkalyq bıýdjetten.
EQDB-niń qarajaty esebinen Aqtóbe, Jambyl jáne Ońtústik Qazaqstan oblystarynda jalpy sýarý alańy 92,7 myń ga bolatyn sý sharýashylyǵy jáne ırrıgasııalyq-drenajdyq júıelerdi qalpyna keltirý jumystary júrgizilýde. Onyń ishinde Aqtóbe oblysynyń 15,9 myń ga, Jambyl oblysynyń 51 myń ga jáne Túrkistan oblysynyń 25,7 myń ga. Joba 2017 jyldan 2024 jylǵa deıin júzege asyrylýda. Jobanyń jalpy quny 60,9 mlrd teńgeni quraıdy. Onyń 53,9 mlrd teńgesi - EQDB jáne 7 mlrd teńgesi - respýblıkalyq bıýdjetten.
«Ekinshi kezeńde Azııa damý banki (ADB) jalpy aýdany 171 myń ga bolatyn Shyǵys Qazaqstan, Jambyl, Qaraǵandy jáne Qyzylorda oblystaryndaǵy sýarmaly jerlerdiń ınfraqurylymyn qalpyna keltirý máselesin qarastyrýda» dep tolyqtyrdy mınıstrlik.
Sonymen qatar Halyqaralyq Qaıta qurý jáne Damý Bankiniń (HQDB) kómegimen Syrdarııa, Talas, Shý jáne Ile transshekaralyq ózenderiniń basseınderindegi sýdyń qol jetimdiligi men sýarmaly jerlerdiń jaǵdaıyn jaqsartý josparlanýda. 2015-2022 jyldar aralyǵynda jobaǵa 106,9 mlrd teńge bólinedi. Onyń ishinde HQDB qaryzynyń úlesi 32,1 mlrd teńgeni (30%), respýblıkalyq bıýdjetten qosymsha qarjylandyrý 74,8 mlrd teńgeni (70%) quraıdy. Joba 105,1 myń gektar jerde eskirgen ırrıgasııalyq jáne drenajdyq júıelerdi qalpyna keltirýdi qarastyrady. Onyń ishinde Almaty oblysynda - 12,4 myń ga, Jambyl oblysynda - 15,2 myń ga, Túrkistan oblysynda - 62,4 myń ga jáne Qyzylorda oblysy - 15,1 myń ga.
