EDB múshe elderiniń ekonomıkasynyń ósimine keri áser etýshi faktordyń eki baǵytyn anyqtapty: «Birinshi baǵyt syrtqy ekonomıkalyq jaǵdaıdyń kúrdelenýimen baılanysty, bul aımaq elderine eksporttyq suranystyń álsireýimen, baǵanyń quldyraýynan, shetelden shıkizat jetkiziliminen túsetin kiristiń azaıýymen, dúnıejúzilik qun tizbeginiń buzylýymen, aqsha aýdarymdarynyń azaıýymen, iskerlik kóńil-kúıdiń nasharlaýymen baılanysty. EDB sarapshylarynyń pikirinshe, banktiń múshe-elderiniń IJО́-niń syrtqy faktorlardan shyǵyny 2020 jyly shamamen 2% jetýi múmkin» dep túsindirdi qarjy ınstıtýty. EDB ekinshi baǵyt aýrýdyń taralýyn tómendetý úshin engizilgen ishki shekteý sharalaryn baılanysty ekenin aıtady. Bul faktor eń aldymen qyzmet kórsetý salasyna qatysty óndiris kórsetkishteriniń tómendeýinen kórinedi.
Sholýda atalǵan faktorlardyń áserinen EDB-ǵa múshe elderdiń jalpy ishki ónimi 2020 jyly 2,2%-ǵa tómendeıtini aıtylǵan. «Reseıde, Qazaqstanda, Belarýssııada jáne Armenııada ónim shyǵarý sáıkesinshe 2,3%, 1%, 3,3% jáne 1,7% tómendeıdi dep kútilýde, al Qyrǵyzstan men Tájikstanda onyń ósý qarqyny 0,1% jáne 5% deıin aıtarlyqtaı baıaýlady. 2020 jyldyń birinshi toqsanynda ulttyq valıýtalardyń álsireýi ımporttalatyn taýarlardyń qunyna qysym jasaıdy, bul aımaqtyń kóptegen elderinde ınflıasııanyń ósýiniń negizgi faktory bolady. Qarjy ınstıtýty sondaı-aq ishki suranystyń, baǵanyń tómendeýine dezınflıasııalyq áser etetindigin atap ótti.
«Biz mundaı qubylystardy 2021 jyly da baıqaımyz» dedi bank. Sondaı-aq, EDB ekonomıkalyq damýdaǵy belgisizdik aldyn ala boljam jasaýǵa múmkindik bermeı otyrǵanyn eskertip ótti. Makroekonomıkalyq boljam COVID-19 pandemııasynyń damý sıpatyna baılanysty bolady.
«Álemdik ekonomıkada teris negatıvter tereńdep barady. Bul EDB múshe elderiniń negizgi eksporttyq taýarlaryna baǵanyń odan ári quldyraýyna ákelýi múmkin. Álemdik kataklızmge aınalyp ketken epıdemııamen eshbir el jeke –dara kúrese almaıdy. Kúsh biriktirgende ǵana belgili bir nátıjege qol jetýi múmkin. Eger, epıdemııanyń toqtaýy baıqalsa, EDB-niń JIО́ ósýine qatysty boljamdary qaıta qaralýy múmkin», dep qorytyndylady qarjy ınstıtýty.
