Aımaqtar • 23 Sáýir, 2020

Otbasylyq eski fotosýretterdi jandandyrýǵa arnalǵan jańa chellendj bastaldy

347 ret kórsetildi

Otbasy qundylyqtaryn nasıhattaýǵa arnalǵan erekshe baıqaýdyń bas júldesi – otbasylyq kásibı fotosessııa. Bul týraly elorda ákimdiginiń resmı saıty habarlady.

Nur-Sultan qalasynda jańa chellendj bastaldy. Oǵan eresekter men balalar qatysady. Qatysýshylar biraz jyl buryn túsirilgen fotosýretti qaıtalap, vıdeoǵa aınaldyrýy kerek. Iаǵnı, olar muraǵattan bir fotosýret taýyp, dál sondaı lokasııada qaıta túsirýi qajet.

«Qazir kóp adam karantın kezinde kópshilikti biriktirýge arnalǵan túrli chellendj, fleshmobtar uıymdastyrýda. Biz otbasy tatýlyǵyn arttyryp, olardyń qarym-qatynasyn nyǵaıta túsýdi maqsat ettik. Qazir kóp elde karantın saldarynan otbasylyq janjaldar men turmystyq zorlyq-zombylyqtar jıilep ketti. Biz otbasy qundylyqtarynyń qanshalyqty mańyzdy ekenin kórsetkimiz keledi. Bul krıterııler jeńimpazdy anyqtaý kezinde mańyzdy bolady», – deıdi chellendj uıymdastyrýshysy Danııar Esen.

Baıqaýǵa ınstagram jelisindegi @daniyar_yesen paraqshasynda kórsetilgen #myvmeste #vmestessemeı #januıa heshtegteri arqyly qatysýǵa bolady. Qatysýshylar vıdeony óńdep, óz paraqshasynda jarııalaýy kerek (jarys kezinde paraqsha belsendi ári ashyq bolýy qajet). Baıqaý qorytyndysy 15 mamyr kúni jarııalanady. Bas júldege – otbasylyq kásibı fotosessııa.

Sondaı-aq elordalyq belsendi turǵyndar tótenshe jaǵdaı men karantın rejımine baılanysty qala turǵyndary arasynda tamaq daıyndaý, qolóner, psıhologııa, sport jáne bilim berý salalary boıynsha kóptegen onlaın-kýrstar uıymdastyrady.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar