Rýhanııat • 23 Sáýir, 2020

«Qorqyt» ansambli «Bıtlz» tobynyń «Yesterday» ánin ózgeshe shyrqady

118 ret kórsetildi

Nur-Sultan qalasy ákimdigi memlekettik akademııalyq fılarmonııasynyń «Qorqyt» etno-folklorlyq ansambli karantın kezinde aty ańyzǵa aınalǵan «Bıtlz» tobynyń tanymal «Yesterday» ánine ımprovızasııa jasady.

Ansambl quramyndaǵy ártister qobyz, qyl qobyz, narqobyz, dombyra, syrnaı, múıiz syrnaı, shańqobyz, jetigen, sherter, daýylpaz, saz syrnaı, bas dombyra, sybyzǵy, sý aǵash, toqyldaq jáne taǵy basqa qazaq halyq aspaptarynda oınaıdy. Ujymnyń kórkemdik jetekshisi, mádenıet qaıratkeri Sholpan Qorǵanbek: «Bul kaver qazaqtyń dástúrli aspaptarynyń pop-art ónerimen úılesimdiliginde biregeı bolady» dep atap ótti.

Sholpan Qorǵanbektiń aıtýynsha, «Yesterday» áni qazaqstandyqtardyń súıikti áni jáne ony osyndaı erekshe oryndaýda tyńdaý óte qyzyqty bolady. Ujym jetekshisi kórkemdik mindetterden basqa, túsken qarajat densaýlyq saqtaý júıesine – pandemııamen tikeleı kúresetin adamdarǵa kómekke jumsalatynyn jáne áıgili brıtan mýzykanty Pol Makkartnıdiń aýqymdy qaıyrymdylyq aksııalaryn qoldaıtynyn atap ótti:

– Biz de ortaq iske óz úlesimizdi qosamyz. Mýzyka osy bir qıyn kezeńde bárimizdi biriktiredi jáne bizge úmit beredi, – dep bólisti Sholpan Qorǵanbek.

Eske sala keteıik, kóktemde «Qorqyt» ansambli 75 shyǵarmany úzilissiz oryndap, Qazaqstannyń Gınness rekordtar kitabyna engen bolatyn.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar