Nemis býndeslıgasynyń basshylary osyndaı sheshim qabyldap otyr. Eger jergilikti bılik olardyń bul usynysyn qoldasa, onda jarys jalǵasatyn bolady. Biraq aldaǵy matchtardyń barlyǵy da kórermensiz ótedi. Sol kezderi stadıonǵa ary ketkende 213 adamnyń ǵana kirýge quqy bar. Olardyń barlyǵy da jasyl alańǵa shyǵatyn komandalardyń músheleri.
Germanııa býndeslıgasynyń toqtalǵanyna da biraz ýaqyt boldy. 25 kezdesýden keıin ázirge «Bavarııa» jeke-dara kósh bastap tur. Osy kúnge deıin mıýnhendikter 55 upaı jıyp úlgerdi. Ekinshi oryndaǵy Dortmýndtyń «Borýssııasynyń» basty qarsylasynan tórt upaıy kem. Sondaı-aq, «Leıpsıg» (50 upaı), Menhengladbahtyń «Borýssııasy» (49 upaı) jáne «Baıer» (47 upaı) syndy klýbtar úzdik bestiktiń qatarynda.
