Kelgen adamnyń beseýi – batysqazaqstandyq bolsa, úsheýi – Túrkistan, ekeýi – Qyzylorda men Jambyl oblysynyń turǵyndary.
Sonymen, Batys Qazaqstan oblysynda koronavırýs juqpasymen tirkelgen adamdardyń sany – 103-ke jetti. Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń aıtýynsha, olardyń 100-i – oblystyq juqpaly aýrýlar aýrýhanada em alýda. Sondaı-aq provızorlyq stasıonarda – 24, karantındik stasıonarda – 110 adam ornalastyrylǵan. 1386 adam úı jaǵdaıynda oqshaýlanýda.
– Vırýstyń órshýine baılanysty endi barlyq júkti áıelderden stasıonarǵa jatqyzylǵan kezde koronavırýs juqpasyn anyqtaý úshin synama alynatyn boldy, - dedi Nurlybek Mustaev.
Sonymen birge osydan bir apta buryn Batys Qazaqstan oblysynyń bas sanıtar dárigeri Muhamǵalı Aryspaev jarııalaǵan kúsheıtilgen karantındik sharalardyń merzimi sáýirdiń 28-ine deıin uzartyldy. Bul sheshim boıynsha 16 sáýirden bastap Oral qalasynda jolaýshylar tasymaldaıtyn qoǵamdyq kólik qozǵalysy toqtap, barlyq azyq-túlik bazarlary jeke turǵyndarǵa qyzmet kórsetýin toqtatqan bolatyn. Qazir bazardaǵy kóterme saýda núkteleri ǵana azyq-túlik dúkenderine taýar taratyp jatyr. Al ekinshi deńgeıli bankter jumysyn kúndizgi 16.00.-ge deıin shektep, tek qana túrli járdemaqy beredi.
Aıta keteıik, oblys boıynsha koronavırýs juqtyryp tirkelgen azamattardyń basym bóligi Reseı Federasııasynan kelgen. Olarmen qarym-qatynas arqyly vırýs juqtyryp alǵan batys qazaqstandyqtardyń sany 12 bolsa, sonyń 8-i – indetpen kúresip júrgen medısına qyzmetkerleri eken.
Batys Qazaqstan
