Atalmysh sharalar qazaqtyń uly oıshylynyń 175 jyldyǵyn toılaý aıasynda #Abaı175, #1MAMYR #Birlikkuni, #BizBirgemiz heshtegteri boıynsha ótedi.
Esterińizge sala ketsek, ózbek etnomádenı ortalyǵynyń ókilderi alǵash bolyp chellendjge qoldaý bildirdi. Olar Abaıdyń «Kózimniń qarasy» ánin qazaq tilinde ózbek ulttyq mýzykalyq aspaby rýbobtyń súıemeldeýimen oryndady.
Keıin evreı, qyrǵyz, nemis jáne slavıan etnomádenı ortalyqtary da chellendjdi qoldap, Abaıdyń belgili ánin slavıan prıma domrasynyń, qyrǵyz qomyzynyń súıemeldeýimen oryndaldy.
Domra – orys, ýkraın jáne belorýs halyqtarynyń ishekti mýzykalyq aspaby. Aspapty XVI-XVII ǵasyrlarda Reseılik ónerpazdar keńinen qoldanyp, 1896 jyldan bastap qazirgi zamanǵy domranyń kórinisin aldy.
Qomyz – qyrǵyz halqynyń sherpeli mýzykalyq aspaby. Dombyraǵa uqsas, jińishke moıny bar. Bul aspaptyń alǵashqy sıpattamalaryn Syma Szıannyń (b.z.d. 201) jazbalarynda kezdestirýge bolady.
Jyl saıyn elordada Qazaqstan halqynyń birligi kúnine oraı túrli konsertter, aýqymdy aksııalar men merekelik sharalar ótedi. Alaıda bıyl Nur-Sultan qalasynda koronavırýs ınfeksııasy saldarynan karantın jarııalanǵandyqtan, merekelik sharalardyń formatyn ózgertý týraly sheshim qabyldandy.
Is-sharalardy onlaın rejımde ótkizýge erekshe nazar aýdarylyp otyr. Búginde elordada 130-dan astam ózge ult ókilderi turady. Qalada 23 etnomádenı birlestik, 12 jeksenbilik mektep jumys isteıdi jáne olardyń sany jyl saıyn artýda. QHA qalalyq hatshylyǵy elorda turǵyndaryn aksııaǵa belsendi qatysyp, ár halyqtyń mýzykalyq aspaptaryn bilip, tarıhymen tanysýǵa jáne Abaıdyń ánin birlese oryndaýǵa shaqyrady.
