Saıasatkerdiń aıtýynsha, bul topqa álemdik kóshbasshylar, densaýlyq saqtaý salasyndaǵy sarapshylar jáne halyqaralyq uıymdardyń basshylary kirýi kerek.
«Bul bir elde kúresýge bolatyn nárse emes. Úılesimdi jahandyq jaýap bolýy kerek. Búgin biz shuǵyl medısınalyq kómek týraly sóılesip jatyrmyz, ony sheshý úshin birlesken is-qımyl qajet», - dedi Braýn.
Braýnnyń aıtýynsha, qazirgi daǵdarys onyń 2008 jyly premer-mınıstr bolǵan kezdegi jaǵdaıynan ózgeshe.
«2008 jyldardaǵy daǵdarys ekonomıkalyq sebeptermen týyndaǵan jáne ekonomıkalyq problema boldy. Qazir bizge, eń aldymen, jedel medısınalyq kómek qajet, ony sheshý úshin birlesken is-sharalar qajet. Biraq siz shuǵyl kómekke qanshalyqty kóp aralassańyz, soǵurlym ekonomıkany qaterge tóndiresiz. Bizge qandaı da bir basqarý keńesi kerek. Men G20-nyń ókilettikterin keńeıtý kerektigin usynamyn»,- dedi Ulybrıtanııa úkimetiniń burynǵy basshysy.
Braýn usynǵan jahandyq jumys toby daǵdarysty eki baǵytta sheshýge baǵyttalǵan - vaksınany izdestirý, sondaı-aq óndiristi uıymdastyrý baǵytynda barlyq elderdiń múmkindikterin bir ortalyqqa jumyldyratyn kúsh.
Gordon sonymen birge Dúnıejúzilik bank pen Halyqaralyq valıýta qory bıýdjetin tómen jáne ortasha elderdegi daǵdarystyń saldaryn jeńýge kómektesýge baǵyttaý kerek.
