Ortalyq banktiń basshysy Elvıra Nabıýllına juma kúni ótken baspasóz jıynynda bul sheshim óz ekonomıkanyń damýyn jáne aldaǵy úsh jyldaǵy ınflıasııa dınamıkasyn qaıta qaraý úshin qabaldanǵanyn aıtty.
«Sońǵy baǵam boıynsha kózqarasymyzdy anyqtaǵan sheshimder koronavırýstyq pandemııamen baılanysty. Álemdik ekonomıkadaǵy jaǵdaı máz emes. OPEK+ kelisimine qaramastan munaı baǵasy tómendep barady. Reseıdegi shekteý sharalary ekonomıkalyq ósimniń keri ketýine múmkindik berip otyr» deıdi Nabıýllına.
Koronavırýstyq pandemııa, karantındik sharalardy engizý jáne munaı baǵasynyń quldyraýy jaǵdaıynda Ortalyq bank eldiń IJО́-niń 2020 jyly 4-6% tómendeýin, keıin 2021 jáne 2022 jyldary ǵana qalpyna keledi dep úmittenip otyr.
Sarapshylardyń pikirinshe, belgisizdik jaǵdaıynda stavkanyń tómendeýi bıznesti, halyqty jáne tutastaı ekonomıkany qoldaýy kerek.
Reseıdiń Ortalyq Bankiniń málimeti boıynsha, 2020 jyly ınflıasııa 3,8-4,8% qurap, 4% deńgeıine jetedi. Sonymen qatar, 2020 jyly Reseıdiń IJО́ 4-6%-ǵa tómendeýi múmkin. Sodan keıingi jyldary qalpyna kele bastaıdy. 2021 jyly 3-5% -ǵa, al 2022 jyly 1,5-3,5%-ǵa ósedi.
RT TeleTrade-tiń bas taldaýshysy Mark Goıhman túsindirgendeı, qazirgi jaǵdaıda eldegi iskerlik belsendilikti yntalandyrý jáne ekonomıkany ustap turý úshin tómen tarıfter qajet.
Sarapshynyń aıtyp ótkenindeı, Ortalyq banktiń kezekti sheshimi arzan nesıeler esebinen ınvestısııalardyń, óndiristiń, tutynýshylyq suranystyń ósýine ákelýi kerek. Bul bıznesti qarjylandyrýǵa qol jetimdilikti arttyrady, onyń kiristiligin arttyryp, nesıelik aýyrtpalyqtyń birshama jeńildegenin bildiredi.
Eske salsaq, Ortalyq banktiń negizgi mólsherlemesiniń sońǵy ózgerisi aqpan aıynda bolǵan. Sodan keıin retteýshi ony jyldyq 6,25-den 6% -ǵa deıin tómendetip, bul sheshimdi ınflıasııanyń kúrt baıaýlaýymen túsindirdi. Naýryzda ótken jınalysta Reseı banki koronavırýstyń, munaı baǵasynyń quldyraýy jáne rýbldiń álsireýi saldarynan ınflıasııa qaýpiniń joǵarylaýy jaǵdaıynda paıyzdyq mólsherlemelerdi kidirtý jáne ustap turý týraly sheshim qabyldady.
Ortalyq banktiń Dırektorlar keńesiniń kelesi otyrysy 19 maýsymda ótedi. Sarapshylar aldaǵy jıynda paıyzdyq mólsherleme taǵy da tómendeıtinin aıtyp jatyr.«Eger jaǵdaı negizgi boljamǵa sáıkes qalyptassa, Reseı banki kelesi otyrystarda negizgi mólsherlemeni odan ári tómendetý múmkindigin moıyndaıdy. Reseı banki ınflıasııanyń dınamıkasyn eskere otyryp, negizgi mólsherleme boıynsha sheshimder qabyldaıdy» deıdi RF Ortalyq bank taratqan baspasóz habarynda.
Elvıra Nabıýllına aıtyp ótkendeı, bolashaqta Ortalyq bank stavkalardy jyldyq 4,5% deıin tómendetýi ábden múmkin. Reseılik sarapshylar da Ortalyq banktiń negizgi paıyzdyq mólsherlemesiniń 5,5% deıin tómendeýi ábden múmkin ekenin aıtyp jatyr. Bul jaıly ınvestorlarǵa aldyn-ala eskertildi. Qarjy naryǵy da Ortalyq banktiń sheshimin túsinistikpen qabyldap jatyr. Reseılik sarapshy Oleg Bogdanov keshe Ortalyq bank uıymdastyrǵan onlaın jıynda Dırektorlar keńesi otyrysynyń nátıjeleri jarııa etilgennen keıin Máskeý bırjasynda Reseı valıýtasy kúsh ala bastaǵanyn aıtty. AQSh dollary 1%, 74 rýblge, eýro 0,8% 79,9 rýblge deıin qunsyzdandy.
25 sáýirde Ortalyq banktiń resmı baǵamy bir dollar úshin 74,72 rýbl jáne bir evro úshin 80,25 rýbl boldy.
Sarapshylardyń pikirinshe, Ortalyq banktiń kez- kelgen sheshimi Reseıdiń memlekettik baǵaly qaǵazdar naryǵyna áser etedi. Ýaqyt óte kele bul sheshim federaldy nesıelik oblıgasııalardyń (OFZ) kiristiligin tómendetedi, sondyqtan ınvestorlar qundy qaǵazdardy aldyn-ala satyp alýǵa tyrysady. «Reseı bankiniń budan ári de tómendetý týraly usynysy rýbldi qoldaıdy, óıtkeni mundaı sheshim reseılik aktıvterdiń, aksııalar men oblıgasııalardyń tartymdylyǵyn arttyrady», dep tolyqtyrdy Oleg Bogdanov.
