Rýhanııat • 27 Sáýir, 2020

«Bolshaıa opera» jobasynyń jeńimpazy Saltanat Ahmetova jeke konsertin beredi

39 ret kórsetildi

Opera jankúıerleri onyń óner kórsetýin árdaıym taǵatsyzdana kútedi, al ánshiniń qatysýymen ótetin spektaklderdiń bıletteri sanaýly kúnderdiń ishinde satylyp ketedi. «Astana Operanyń» jetekshi solısi, Qazaqstannyń eńbek sińirgen qaıratkeri Saltanat Ahmetova búgin «Karantındegi juldyz» jobasy aıasynda onlaın konsert beredi.

Aýqymdy baǵdarlamaǵa jıyrmadan astam týyndy engen, ánshiniń sózinshe, olardyń barlyǵy janǵa jaqyn ári súıikti ánder. Saltanat Ahmetova jeke konsertiniń daıyndyǵyna eki aptadaı ýaqyt ketkendigin aıtty.

Kesh shymyldyǵyn qazaqtyń halyq ánderi «Aqbaıan», «Dýdaraı», «Dedim aı aý» ashsa, romans súıer qaýym úshin N.Zýbovtyń «Ne ýhodı, pobýd so mnoıý», «Jestokıı romans» kınofılminen A.Petrovtyń «A naposledok ıa skajý», «Lıýbov prekrasnaıa strana», B.Fomınniń «Tolko raz» jáne t.b. barshanyń súıikti ánderi shyrqalady. Sheteldik kompozıtorlardyń shyǵarmashylyǵy O.Farres-tiń «Quizas, Quizas, Quizas», T.Ferro-nyń «Mi sono innamorato di te», A.C.Jobim-niń «The girl from Ipanema» jáne t.b. keremet kompozısııalarmen usynylǵan.

Ataqty vokalıske QR Memlekettik Kúzet Qyzmeti prezıdenttik orkestriniń solısteri, aspapshy-dostary – respýblıkalyq baıqaýlardyń laýreaty Jánibek Saparov (gıtara) pen QR Tuńǵysh Prezıdenti – Elbasy Qory Syılyǵynyń laýreaty, óner magıstri, respýblıkalyq jáne halyqaralyq baıqaýlardyń laýreaty Jibek Saparǵalıeva (fleıta) qoldaý kórsetpek. Olardyń oryndaýynda qazaqtyń halyq ánderi «Bir bala», «Iаpýraı», sonymen qatar M.Petrenkonyń «Vals», «Beregıs avtomobılıa» kınofılminen A.Petrovtyń áýeni, A.Pıassollanyń «Lıbertango» shyǵarmalary jáne t.b. shyrqalmaq. 

– Karantın bizdiń qalypty ómir saltymyzǵa ózgerister engizdi. Aldyn ala qurǵan josparlarymyzdy qaıta qarastyrýǵa májbúr etti.  Árıne, basqa ártister sııaqty men de sahnany qatty saǵyndym. Alaıda qazirgi ýaqytta da shyǵarmashylyqpen aınalysýdan qol úzgen joqpyz. Saltanatpen, Jánibekpen birge jańa joba ázirledik. Tyńdarman qaýymnyń qyzyǵýshylyǵyn týdyryp, karantındegi daǵdyly keshterine az da bolsa óń beredi dep úmittenemin, - dedi Jibek Saparǵalıeva.

Saltanat Ahmetovanyń Italııadaǵy Vokaldyq óner akademııasynda (Accademia d’Arte Lirica, Ozımo q., 2009) mashyqtanýdan ótkenin atap ótken jón. Ánshi Vınchenso De Vıvo, Serdjıo Segalını, Alberto Dzedda, Djannı Tangýchchı, Krıstına Mýtı, Raına Kabaıvanska, Lella Kýberlı, Ýılıam Matteýsı, Sılvııa Sash, Antonıo Iývarra, Stefano Demıkelı, Harrıet Loýson, Karlo Morgantı syndy ataqty maestrolardyń sheberlik sabaqtarynan tálim alǵan.

Onyń marapattar qorjynynda kóptegen respýblıkalyq jáne halyqaralyq baıqaýlardaǵy jeńisteri bar. Saltanat Ahmetova – «Villa in canto» halyqaralyq baıqaýynyń jeńimpazy (Italııa, 2011); Neue Stimmen halyqaralyq baıqaýynyń fınalyna qatysýshy, Klassik-Herbst Forderpreis arnaıy júldesiniń ıegeri (Germanııa, 2013). «Bolshaıa opera» televızııalyq jobasynyń (Reseı, 2014) jáne t.b. jeńimpazy.

Eske salar bolsaq, QR Mádenıet jáne sport mınıstrligi «Qazaqtelekom» AQ-men birlesip, Live formatynda «Karantındegi juldyz» jobasyn sátti júzege asyrýda. Kórermender ártistermen pikir jazý arqyly suhbattasady. Konsertter ashyq ári barshaǵa qoljetimdi túrde tegin ótkiziledi.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar