«OPEK osy jyldyń ekinshi jartysynda munaı baǵasynyń deńgeıi barreline shamamen 40 dollar bolady dep kútedi», dedi Arkab.
Mınıstr bul energııa shıkizatynyń baǵasy «mamyr-maýsymda bir barrel úshin 35 dollarǵa deıin kóteriledi» dep sanaıdy.
Arkab mundaı úrdis «shıki munaı óndirýdi qysqartý týraly kelisimdi júzege asyrýmen» baılanysty bolatynyn aıtty.
OPEK + elderi 12 sáýirde shuǵyl beınekonferensııada munaı óndirýdi azaıtý týraly kelisimge qol jetkizdi. Munaı óndirýdiń mamyr-maýsym aılarynda táýligine 9,7 mıllıon barrelge, shilde-jeltoqsanda táýligine 7,7 mıllıon barrelge, 2021 jylǵy qańtarda - 2022 jylǵy sáýirde - kúnine 5,8 mıllıon barrelge tómendeýin qamtamasyz etedi.
2021 jyldyń jeltoqsanynda mámile sharttary qaıta qaralýy múmkin.
