Vıdeohostıńpen tabys tabatyndardyń kirisi burynǵydan 40 paıyzǵa azaıǵan. Osyǵan baılanysty tanymaldylyǵy azdaý YouTube-blogerler jarnamaǵa baǵany 50 % túsirýge de kelisip otyr. Jalpy jyl sońynda YouTube qyzmetiniń jarnamadan túsetin paıdasy azaıatyn boldy.
Qazaqstanda bul baǵyttaǵy blogerler az ekenin bilemiz jáne bizdiń blogerler qatty zardap shegedi dep te aıta almaımyz. Biraq bul toqtap qalýǵa sebep bolmaı, qaıta kerisinshe, kópshiliktiń qoly bosap, vıdeo túsirýge kóńil bóletin ýaqyt taýyp jatqan sııaqty. Oǵan ertegi aıtatyn ájeler nemese eksperıment jasaıtyn balalar kanaldarynyń ashylýy dálel bola alady. Sondyqtan da YouTube platformasynda da qazaqsha kontentti kóbeıtetin sát keldi jáne ony tıimdi paıdalansaq, utylmaıtynymyz anyq.
