Bıyl Aqmola oblysynda 5 300 turǵyn úı salynady

Bıyl I toqsanda oblysta turǵyn úı qurylysyna 13,9 mlrd teńge ınvestısııa salynyp, 151 myń sharshy metr nemese 1348 turǵyn úı paıdalanýǵa berildi. Bul 2019 jyldyń sáıkes kezeńimen salystyrǵanda 3,7% kóp.

«Nurly jer» memlekettik baǵdarlamasy sheńberinde bıyl oblysta ınjenerlik-kommýnıkasııalyq ınfraqurylym jáne turǵyn úı qurylysy salasynda 10,4 mlrd teńge somasynda 49 joba iske asyrylyp, 595 jumys orny ashylady.

Jalpy aýdany 49,4 myń sharshy metr bolatyn jalǵa beriletin jáne kredıttik turǵyn úı nemese 1002 páterdi paıdalanýǵa berý josparlanǵan.  Onyń ishinde satyp alý quqyǵynsyz jalǵa beriletin úı qurylysyna 2,9 mlrd teńge jumsalyp, 21 joba iske asyrylady. Bıylǵy I toqsanda ákimdikke 178,7 mln teńge aýdarylyp, onyń 77,2% ıgerilgen. 13,9 myń sharshy metr jalǵa beriletin turǵyn úıdi nemese 290 páterdi paıdalanýǵa berý josparlansa, esepti kezeńde onyń 150 páteri salyndy. Jalǵa beriletin turǵyn úı qurylysynda 202 jumys orny ashylady.

Kredıttik turǵyn úı qurylysynda 13 jobany iske asyrý úshin 5,6 mlrd teńge qarastyrylǵan. I toqsanda 1,2 mlrd teńge mólsherinde oblıgasııalar shyǵaryldy. 35,5 myń sharshy metr turǵyn úıdi nemese 712 páterdi paıdalanýǵa berý josparlanǵan. 250 jumys orny ashylady.

Sondaı-aq «Nurly jer» memlekettik baǵdarlamasy aıasynda  2%-dyq nesıe beriletin «Baqytty otbasy» baǵdarlamasyn iske asyrýǵa bıyl respýblıkalyq bıýdjetten 181 turǵyn úı úshin 1,8 mlrd teńge qarastyrylǵan.

Turǵyn úı qurylysy aýdandaryna ınjenerlik-kommýnıkasııalyq ınfraqurylym júrgizý úshin 15 joba iske asyrylady. Oǵan 1,9 mlrd teńge jumsalyp, 143 jumys orny ashylady.