Baspasóz málimdemesinde aıtylǵandaı, mundaı kórsetkish sońǵy ret 1986 jylǵy aqpanda baıqalǵan bolatyn. Eń joǵarǵy núkte ol kezde 3095 MVt-qa jetti, alaıda 8 energııa blogi jumys istep turǵan edi.
EGRES-1 óndirgen elektr energııasynyń Qazaqstan naryǵyndaǵy úlesi 19,4%-ti qurady. 2019 jylǵy 1-toqsanmen salystyrǵanda elektr energııasynyń úlesi 5,1%-ke artty.
Elektr energııasyn Qazaqstan naryǵyna satý 2019 jylǵy 1-toqsanmen salystyrǵanda 31,3%-ke artyp, 5,5 mlrd kVtsaǵatty qurady. О́zbekstan Respýblıkasynyń naryǵyna 455 mln kVtsaǵat elektr energııasy satyldy.
Qazaqstandaǵy asa iri elektr energetıkalyq holdıng «Samuryq-Energo» AQ-nyń qurylymyndaǵy Ekibastuz GRES-1 respýblıka energetıkasynyń kóshbasshysy bolyp tabylady. Máselen, ótken jyldyń ózinde ǵana elektr stansııasy 18,3 mlrd kVtsaǵ.elektr energııasyn óndirdi, bul elimiz boıynsha óndirilgen elektr energııasynyń jalpy úlesiniń 17,3%-in quraıdy.
Ortasha bloktik júktemesi 455 megavatty quraıtyn jeti energııa blogi jumys istep turǵan kezde, stansııa kúzgi-qysqy maýsymǵa tolyq daıyn ekenin kórsetti.
О́ziniń tutynýshylaryn elektrmen úzilissiz qamtamasyz etý maqsatynda stansııada keshendi is-sharalar atqaryldy. Atap aıtqanda, 2019 jyly 3 energııa blogynda aǵymdaǵy jáne keńeıtilgen jóndeý jumystary, al eki energııa blogynda (№3 jáne №5) kúrdeli jóndeý jumystary júrgizildi. Búginde birinshi energııa blogyn qalpyna keltirý jumystary júrgizilýde, basqa bloktar sekildi ol da jańa úlgidegi, tıimdiligi joǵary, kúl ustap qalý deńgeıi 99,6 prosent bolatyn elektrsúzgilermen jabdyqtalady.
Kásiporynnyń jumys qýattylyǵyn arttyrý Qazaqstan Respýblıkasy úshin qajet, óıtkeni ol elimizde elektr energııasynyń tapshylyǵy týyndaý qaýpin tómendetedi jáne Ulttyq ekonomıkasynyń ósýine septigin tıgizedi.
Esterińizge sala keteıik, osy jyldyń sáýirinde Ekibastuz GRES-1 óziniń mereıtoıyn atap ótti. Stansııaǵa 40 jyl toldy. Búgingi tańda stansııa 1400-den astam adamdy jumyspen qamtamasyz etip otyr. О́ndiris qýattylyǵyn arttyrýmen qatar, EGRES-1 Ekibastuz qalasynyń áleýmettik jobalaryna demeýshilik kómek kórsetip, qoǵamdyq qaıyrymdylyq qorlaryna, mádenı-buqaralyq is-sharalarǵa qoldaý bildirip, óńirdiń áleýmettik tynys-tirshiligine belsene qatysady.
«Bolat Nurjanov atyndaǵy Ekibastuz GRES-1» JShS – belgilengen qýattylyǵy 4000 MVt jáne qoldaǵy bar qýattylyǵy 3500 Mvt bolatyn, elektr energııasyn óndirýmen jáne taratýmen aınalysatyn, kondensasııalyq tıptegi jylý elektr stansııasy. EGRES-1 stansııasynyń jalǵz aksıoneri – «Samuryq-Energo» AQ. Stansııada óndirilgen elektr energııasynyń basym bóligi Qazaqstannyń energetıka naryǵynda taratylady.
«Samuryq-Energo» AQ – Qazaqstandaǵy asa iri elektr energetıkalyq holdıng, aksııalarynyń 100%-y «Samuryq-Qazyna» UÁQ» AQ-ǵa tıesili. 2007 jyly qurylǵan. Jumysynyń negizgi baǵyttary: elektr jáne jylý energııasyn óndirý; elektr energııasyn jetkizý, bólip-taratý jáne satý; energetıkalyq kómir óndirý. Holdıngtiń quramyna energııa jáne kómir óndirý kásiporyndary, sonyń ishinde: «Ekibastuz GRES-1» JShS, «Ekibastuz GRES-2 stansııasy» AQ, «Bogatyr Kómir» JShS, «Almaty elektr stansııalary» AQ, «O.D. Qantaev atyndaǵy Moınaq sý elektrstansııasy» AQ, «Shardara SES» AQ jáne t.b. kiredi.
