1414 tegin qońyraý shalý úshin paıdalanýshy egov.kz portalǵa kirip, tómengi oń jaq buryshta «Vırtýaldy keńesshi» vıdjetin basý qajet. Qalqymaly terezede qulaqqap túrindegi belgige basyp, qońyraý shalý qajet.
Vırtýaldy keńesshi arqyly operatormen baılanys jasaý úshin mıkrofon men qulaqqap bolýy qajet.
̶ Bizge basqa elderde júrgen azamattardan ótinishter jıi kelip túsken edi, biz 1414 call-ortalyǵynyń operatorlarymen ınternet arqyly qosylý múmkindigin qarastyrdyq. Búgin biz osyndaı múmkindikti iske qostyq. Eger ınternet bolsa, 1414 keńesshisimen habarlasyp, barlyq suraqtarǵa jaýap ala alady. Sondaı-aq, keńesshimen áńgimesý barysynda biz kólemi 20 megabaıttan aspaıtyn kez kelgen formattaǵy faıldardy bekitý jáne jiberý múmkindigin qarastyrdyq,-dedi «UAT» AQ Basqarma tóraǵasy Áset Turysov.
1414 baılanys ortalyǵy jumys kúnderi 9:00-den bastap 21:00-ge deıin jáne senbi, jeksenbi kúnderi 9:00-den bastap 14:00-ge deıin jumys isteıdi. Tótenshe jaǵdaı kezinde 366 myńnan astam qazaqstandyq mobıldi azamattar bazasynda tirkelgen.
TJ kezinde baılanys ortalyǵynyń jumysyna HQKO-nyń 2000-nan astam qyzmetkeri tartyldy, baılanys arnalarynyń ótkizý qabileti men telefonııa ónimdiligi keńeıtildi. Budan basqa, HQKO-nyń 1000-ǵa jýyq qyzmetkeri keńes alýǵa, sondaı-aq Mobıldi azamattar bazasynda tirkelý jáne ESQ onlaın-resimdeý úshin jeke basyn sáıkestendirý úshin ótinish bildirgen azamattardyń beıneqońyraýlarǵa jaýap beredi.
