Rejısser Ińkár Ábdirashtyń «Umaı» («Tereze aldyndaǵy bala») qysqametrajdy fılmi qorjynyn taǵy bir júldemen tolyqtyrdy. Fılm H Dadasaheb Phalke Film Festival (DPIFF) halyqaralyq kınofestıvalinde úzdik qysqametrajdy fılm júldesin jeńip aldy.
Úndistandaǵy eń bedeldi DPIFF kınofestıvali jyl saıyn 30-shy sáýirde úndi kınosynyń negizin qalaýshy Dadasaheb Falkeniń týǵan kúninde ótedi. Onyń 1913 jyly túsirilgen «Radja Harıshchandra» fılmi eń alǵashqy tolyqmetrajdy úndi fılmi bolyp esepteledi. Festıval táýelsiz kınoǵa arnalǵan jáne jas rejısserlerdiń shyǵarmashylyǵyn damytýǵa baǵyttalǵan. Festıval alǵash ret onlaın rejıminde ótti.
Budan buryn «Umaı» fılmi British International Amateur Film Festival (BIAFF) Halyqaralyq áýesqoılar kınofestıvalinde «Eń úzdik fılm», «Eń úzdik ssenarıı» nomınasııasy boıynsha top jarǵan bolatyn.
Ińkár Ábdirashtyń debıýttik fılminiń jelisi ózimshil aktrısanyń ómirin túbegeıli ózgertetin balalar úıiniń tárbıelenýshisiniń ómirin baıandaıdy. Kartınanyń prodıýserleri Farhat Ábdraıymov pen Gúlshat Smaǵulova boldy. Fılmdi Mádenıet jáne sport mınıstrliginiń tapsyrysymen Sh.Aımanov atyndaǵy «Qazaqfılm» kınostýdııasynyń «Debıýt» shyǵarmashylyq birlestigi túsirdi.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
ShQO TJD «Ulttyq kıim kúni» chellenjin ótkizdi
Qoǵam • Búgin, 11:35
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Uqsas jańalyqtar
