Jergilikti úkimettermen birlese otyryp, CDC Central Asia bul qarajatty pandemııa kezindegi qajettilikterdi qanaǵattandyrý úshin paıdalanady. Olarǵa: COVID-19 testileý úshin zerthanalyq jabdyqtar men qural-jabdyqtar satyp alý, medısınalyq qyzmetkerler úshin trenıngter uıymdastyrý, shekarada saýyqtyrý sharalaryn ótkizýge tehnıkalyq kómek kórsetý, sondaı-aq klınıkalyq hattamalardy ázirleýge jáne engizýge kómek.
«Biz qańtar aıynan bastap Ortalyq Azııadaǵy COVID-19 jaǵdaıyn muqııat qadaǵalap otyrmyz jáne aımaqtyń barlyq úkimetterine indetke qarsy áreket etý úshin tehnıkalyq kómek usynamyz», deıdi Ortalyq Azııa boıynsha CDC dırektory doktor Denıel Sınger.
CDC Central Asia Ortalyq Azııanyń densaýlyq saqtaý mınıstrligine epıdemııanyń alǵashqy kúnderinen bastap trenıngter uıymdastyryp, tótenshe jaǵdaılar kezinde tehnıkalyq kómek kórsetý, zerthanalarda jumys isteý, juqpaly aýrýlardyń aldyn alý jáne baqylaý, shekara ótkizý pýnktterinde tekserý jáne aqparattandyrý arqyly qoldaý kórsetedi. Sonymen qatar, CDC taratý úshin jetekshi halyqaralyq densaýlyq saqtaý uıymdary shyǵarǵan tehnıkalyq oqýlyqtardy orys tiline aýdarady.
AQSh-tyń Qazaqstandaǵy elshisi Ýılıam Mozer bul qosymsha qarjylandyrý bizdiń Qazaqstanǵa COVID-19-nyń taralýyna qarsy turý baǵytyn ustanatyndyǵymyzdy kórsetetin aıtty. «CDC men Qazaqstan arasynda sońǵy 25 jyl ishinde qalyptasqan densaýlyq saqtaý salasyndaǵy seriktestik. Biz koronavırýsty jeńemiz», - deıdi Ýılıam Mozer.
CDC Ortalyq Azııa elderiniń úkimetterimen densaýlyq saqtaý máseleleri boıynsha uzaq ýaqyttan beri jumys isteıdi. Alǵashqy CDC fılıaly 1995 jyly Almatyda ashylǵan, búginde ortalyqtyń Qazaqstan, Qyrǵyzstan, О́zbekstan jáne Tájikstanda keńseleri bar. CDC densaýlyq saqtaýdyń barlyq mınıstrlikterimen jergilikti zerthanalardyń, qadaǵalaýdyń jáne adamı resýrstardyń áleýetin kúsheıtý úshin jumys isteıdi, bul elderde aýrýdyń aldyn-alýǵa jáne oǵan tıimdi áser etýge múmkindik beredi. Naýryzda AQSh úkimeti Qazaqstanǵa koronavırýstyq ınfeksııamen kúres áleýetin kúsheıtý úshin 890 myń dollar bólýge daıyn ekendigi týraly habarlaǵan bolatyn.
