«1 mamyr kúni túski saǵat 14.15.-shamasynda oblystyq ınfeksııalyq aýrýhananyń 30 shaqty pasıenti aýrýhana aýlasyna shyǵyp, ózderin bosatýdy, úıge jiberýdi talap etti. Olardyń bárine de «Sovid-19» dıagnozy qoıylǵan, biraq naýqastar tulaboıynda eshqandaı aýrýy joqtyǵyn aıtyp, óz betimen medısınalyq mekeme aýmaǵynan ketpek bolǵan. Dárigerlerdiń talabyna qulaq qoımaǵan. Oqıǵa ornyna polısııa jasaǵy bardy. Batys Qazaqstan oblystyq Polısııa departamenti Jergilikti polısııa basqarmasy qyzmetkerleriniń túsindirý jumystarynan keıin olar saǵat 14.45.-te palatalaryna tarady. Qoǵamdyq tártip buzylǵan joq» - degen málimdeme taratty polısııanyń baspasóz qyzmeti.
Oral qalasyndaǵy juqpaly aýrýlar aýrýhanasyna baratyn joldarǵa tosqaýyl qoıǵan polısııa qyzmetkerleri jýrnalısterdi oqıǵa ornyna jibermedi. О́ıtkeni, ereýilshilermen kezdesken tilshiniń ózi koronavırýs juqtyrǵan naýqaspen qarym-qatynasta bolǵany úshin karantınge jatqyzylýy tıis bolady.
Bizge málim bolǵandaı, keıbir naýqastardyń aýrýhanada jatqanyna 14 kún bolǵan, biraq olar medısınalyq mekemeniń ishki tártibin buzyp, aýrýhana ishindegi ózge naýqastarmen qarym-qatynasta bolǵan. Sondyqtan olardyń oqshaýlaný, emdelý merzimi de qaıta uzartylǵan.
Sońǵy málimet boıynsha Batys qazaqstan oblysynda 152 adamǵa «Sovid-19» dıagnozy qoıylǵan.
Batys Qazaqstan
