Konferensııanyń maqsaty - Kaspıı mańy aımaǵyndaǵy ǵylym men bilimniń basym baǵyttary boıynsha máselelerdi talqylaý jáne taldaý úshin alań qurý, tájirıbe almasý, otandyq jáne sheteldik zertteýshiler arasynda ǵylymı baılanystar ornatý, sondaı-aq áleýmettik mańyzdy bastamalardy qoldaý. Onyń ishinde alǵa qoıylǵan mindetter - Kaspıı mańy elderi arasyndaǵy qatynastardy odan ári damytý jónindegi keń aýqymdy máselelerdi talqylaý, Kaspıı mańy memleketteriniń halyqaralyq saýda-ekonomıkalyq yntymaqtastyǵy salasynda júrgiziletin ǵylymı zertteýlerdi taldaý jáne baǵalaý, Halyqaralyq ıntegrasııa jaǵdaıynda Kaspıı mańy elderiniń qatynastaryn quqyqtyq retteý perspektıvalaryn aıqyndaý, Kaspıı óńirin týrızmdi, logıstıkany jáne ekonomıkany damytý aımaǵy retinde qaraý, sapaly ekonomıkalyq ósýdi qamtamasyz etýge, týrıstik keshen men Halyqaralyq ekonomıkalyq qatynastardy damytýǵa baǵyttalǵan ózekti máselelerdi talqylaý.
Halyqaralyq onlaın konferensııa jumysyna ýnıversıtettiń professorlyq-oqytýshy quramy, respýblıka JOO-nyń ǵalymdary, sonymen qosa jaqyn jáne alys shet elderdiń joǵary oqý oryndarynyń belgili ǵalymdary Himmet Karadal - Bolu Abant Izzet Baysal ýnıversıtetiniń (Túrkııa) professory; Jalal Malakootifar - «Halyqaralyq qatynastar» mamandyǵy boıynsha Vena ýnıversıtetiniń túlegi (Avstrııa) (Islam respýblıkasy Iran); Týrgaeva A.A. - Astrahan Memlekettik tehnıkalyq ýnıversıtetiniń dosenti (Reseı); Dababrata Chowdhury - Sufflok ýnıversıtetiniń (Ulybrıtanııa) professory qatysty.
Onlaın konferensııasynyń jumysy Kaspıı elderimen qarjy-ekonomıkalyq qatynastar jáne halyqaralyq yntymaqtastyq, Kaspıı mańy memleketteri ustanymy úshin Kaspıı aımaǵynyń quqyqtyq mártebesi, Kaspıı aımaǵy: týrızm, logıstıka jáne ekonomıkanyń damý perspektıvalary baǵyttary boıynsha júrgizildi.
Konferensııa barysynda spıkerler pandemııa jaǵdaıyndaǵy Kaspıı mańy elderiniń saıası, ekonomıkalyq jaǵdaılaryna sholý jasap, memleketterdiń ekonomıkasynyń damýy úshin ár el óz qundylyqtaryn anyqtaý kerektigi týraly pikirler bildirdi. Elimiz ekonomıkasy úshin munaı naryǵyndaǵy qubylmaly terbelister, shıkizatqa baǵyttalǵan ekonomıkadan arylyp, óndirý men óńdeý ónerkisibine, shaǵyn jəne orta bıznesti qoldaýdy, týrızm men agroónerkəsip keshenin damytýdy qolǵa alýdy qajet ekendigi atalyp ótti.
Gúlsara DJOLDASBAEVA,
Sh.Esenov atyndaǵy KMTjIÝ
«Bıznes jáne quqyq» fakýltetiniń dekany
