Degenmen 3 sanattaǵy azamattar, ıaǵnı zeınetkerler, kóp balaly otbasylar jáne múgedekter elektrondyq qyzmetterdi Halyqqa qyzmet kórsetý ortalyǵynan ala alady. Front-ofıste olar úshin jeńildik terezesi jumys isteıdi. Biraq olar ortalyqqa baratyn ýaqytyn aldyn ala brondaýy kerek.
Jalpy, ortalyqta halyq tym kóp shoǵyrlanyp, koronovırýstyq ınfeksııa tarap ketpeýi úshin azamattar elektrondyq úkimet portaly arqyly kezek alýy tıis.
«Oral qalasynyń №1 HQO bóliminde 120-dan astam qyzmetker jumysyn bastady. Bizdiń HQO respýblıka boıynsha Nur-Sultan, Aqtaý, Qaraǵandy qalalarymen birge alǵashqylardyń biri bolyp jumys isteı bastady. Turǵyndardan ortalyqqa barar kezde betperde kııýin suraımyn», – dedi «Azamattarǵa arnalǵan úkimet» memlekettik korporasııasy BQO fılıal dırektory Marat Bassarov.
Aıta keteıik, karantın kezinde Halyqqa qyzmet kórsetý ortalyqtary óz qyzmetiniń 80%-yn elektrondy formatta bere bastaǵan edi. Osy ýaqytta Batys Qazaqstan oblysy boıynsha 6 myńnan astam daıyn qujat berilgen. Sonyń ishinde 26 naýryzdan 29 sáýirge deıin 1750 kýálik, 594 tólqujat, 258 júrgizýshi kýáligi, sonymen qatar basqa da 1341 qujat túri – Azamattyq hal aktilerin tirkeý qujattary, kóliktiń tehnıkalyq tólqujaty men tirkeý nómirleri, jyljymaıtyn múlik pen jer telimderiniń qujattary berilgen. Bul qujattardyń basym bóligi karantın barysynda onlaın rásimdelgen.
Batys Qazaqstan
