Tikeleı efır barysynda Talǵar Serikbaev jer qatynastary basqarmasynyń qyzmetinde anyqtalǵan sybaılas jemqorlyq táýekelderine toqtaldy.
«Tek ótken jyly ǵana azamattarǵa 6 myńnan astam (6370) memlekettik qyzmetter kórsetilgen. Sonymen qatar, olardyń barlyǵy qyzmetkerlerdiń azamattarmen tikeleı baılanysy arqyly kórsetilip, tek 11 memlekettik qyzmet elektrondyq túrde júzege asyrylǵan» - dep atap ótti T.Serikbaev.
Sonymen qatar, taldaý kórsetkendeı, bul memlekettik qyzmetterdi usyný kezinde olardy kórsetý merzimi bóliginde júıeli buzýshylyqtar oryn alǵan. Jekelegen memlekettik qyzmetter boıynsha 80 jáne odan da kóp kúnge deıingi merzimder buzylǵan.
Taldaý barysynda jer týraly aqparattyń ashyqtyǵy men qoljetimdiligin qamtamasyz etý boıynsha zańnama normalarynyń saqtalýyna nazar aýdaryldy.
Spıkerdiń aıtýynsha búginde megapolıste shymkent.genplan.kz elektrondy kartasy bar. Onyń jumysyn taldaý barysynda atalǵan resýrsta azamattar men bıznes úshin ózekti, rastalǵan jáne paıdaly aqparatty alýǵa tolyqqandy qol jetkizý qamtamasyz etilmegenin kórsetti. Jer ýchaskelerin alǵan tulǵalardyń tizimi, olardyń nysanaly maqsaty, aýdany, ornalasqan jeri jáne taǵy basqa da aqparattar turaqty negizde jańartylmaıdy.
Memlekettik satyp alýdy júzege asyrý kezinde eleýli sybaılas jemqorlyq táýekelderi anyqtalǵan. Olardy júrgizý kezinde Basqarmamen satyp alynatyn taýarlar men qyzmetterge baǵalar aıtarlyqtaı joǵarylatylǵan. Keıbir lottardyń somasy 50%-dan 80%-ǵa deıin joǵarylatylǵan.
Memlekettik qyzmetterdi avtomattandyrý boıynsha keshendi sharalar qabyldaý, sondaı-aq bıznes-prosesterdi jaqsartý boıynsha usynystar berildi. Sondaı-aq, jer komıssııasynyń jumysyn onlaın-formatqa kóshirý, arnaıy geoportaldy engize otyryp jer týraly aqparattyń ashyqtyǵy men qol jetimdiligin, memlekettik satyp alý kezinde bıýdjet qarajatyn jumsaýdyń tıimdiligin qamtamasyz etý usynyldy.
«Biz azamattar jer máseleleri boıynsha sheshimniń qalaı qabyldanatynyn kórýge jáne bilýge tıis dep sanaımyz» - dedi spıker.
Jalpy alǵanda, taldaý nátıjeleri boıynsha Jer qatynastary basqarmasyna is-sharalardy oryndaýdyń naqty merzimin kórsete otyryp táýekelderdi joıý boıynsha Jol kartasyn ázirleý usynyldy. Sybaılas jemqorlyqqa qarsy qyzmeti ýákiletti organ retinde jaǵdaıdy odan ári baqylaıtyn bolady. Sonymen qatar, Berik Áshirbekov Basqarma qyzmetindegi sybaılas jemqorlyqqa qarsy is-qımyl boıynsha qabyldanyp jatqan sharalar, sondaı-aq memlekettik qyzmetterdi avtomattandyrýdy qamtamasyz etý jáne komıssııa jumysynyń ashyqtyǵyn qamtamasyz etý boıynsha jumys josparlary týraly habarlady. Aıta ketý kerek, ótken jyly Jer qatynastary basqarmanyń basshylyq laýazymyndaǵy 2 tulǵa sottalǵan bolatyn.
Shymkent
