Barsha mýzykalyq álem 7 mamyr kúni Petr Ilıch Chaıkovskııdiń 180 jyldyǵyn atap ótpek. «Astana Opera» teatry Qazaqstandaǵy Reseı yntymaqtastyǵy ókildigimen, Reseıdiń Qazaqstandaǵy Elshiliginiń qoldaýymen «Rýsskoe ıspolnıtelskoe ıskýsstvo» Qorymen birlese «Chaıkovskıı. Online» halyqaralyq jobasyn usynady. Atalǵan sharada belgili qazaqstandyq jáne reseılik mýzykanttardyń oryndaýynda uly kompozıtordyń týyndylary shyrqalady.
Mýzykanttar qatarynda – Qazaqstannyń eńbek sińirgen qaıratkeri, opera ánshisi, tanymal barıton Azamat Jyltyrkózov, Mádenıet qaıratkeri, «Astana Opera» opera trýppasynyń bas konsertmeısteri, pıanıst Elena Sahno, Reseıdiń eńbek sińirgen óner qaıratkeri, professor, Ippolıtov-Ivanov atyndaǵy memlekettik mýzykalyq-pedagogıkalyq ınstıtýtynyń rektory Valerıı Vorona, skrıpkashy, dırıjer, «Gremmı» syılyǵynyń eki márte laýreaty Maksım Vengerov, Reseıdiń Halyq ártisi, pıanıst, professor Vladımır Ovchınnıkov, Reseıdiń eńbek sińirgen ártisi, vıolonchelıst Borıs Andrıanov bar.
- Bıyl álemdik mádenı qaýymdastyq kompozıtordyń 180 jyldyq mereıtoıyn atap ótýde. Biz ózimizdiń tamasha áriptesterimizben bul oqıǵadan shet qalǵan joqpyz. Atalǵan konsertte men P.I.Chaıkovskııdiń túrli shyǵarmashylyq kezeńindegi on romansyn oryndaımyn. Olardy sıpaty men mazmuny jaǵynan jaqyn bolýyna qaraı tańdap aldyq. Kórermender aýdıtorııasyna barshanyń súıikti «Rastvorıl ıa okno», «To bylo ranneıý vesnoı», «Blagoslovlıaıý vas, lesa», «Nam zvezdy krotkıe sııalı» syndy romanstary usynylady. Chaıkovskııdiń júzden astam romans shyǵarǵan, al meniń repertýarymda qyryqqa jýyǵy bar, degenmen bolashaqta barlyǵyn da oryndaýǵa nıettimin. Onyń romanstaryn oryndaıtyn ánshiler bireń-sarań ekendigin atap ótken jón. Jaqynda ǵana Chaıkovskııge arnalǵan derekti fılm kórdim, odan álemde árbir úsh mınýt saıyn onyń mýzykasy, sonymen birge Mosarttyń mýzykasy shyrqalatynyn bildim. «Astana Opera» teatrynda árbir klassıkalyq konserttiń baǵdarlamasynda P.I.Chaıkovskıı operalarynan arııalardy, romanstardy kezdestirýge bolady, - dep atap ótti Azamat Jyltyrkózov.
Konserttik baǵdarlamalardan bólek, teatr repertýary 2019 jyly P.Chaıkovskııdiń ańyzǵa aınalǵan «Evgenıı Onegın» operasymen tolyqqan bolatyn. Sondaı-aq uly kompozıtordyń shyǵarmashylyǵy aldaǵy ýaqytta elordalyq teatrda birqatar tanymal baletter arqyly usynylady dep josparlanýda. Romanstardan basqa, karantın jaǵdaıynda mýzykanttar Chaıkovskııdiń tamasha aspaptyq týyndylaryn usynady. Olardyń barlyǵy adamzat balasyna tózim, mahabbat, kelisim men beıbitshilik, sondaı-aq ónerge degen mahabbattyń óshpeýin tileıdi.
- Eń aldymen aramyzda myqty dostyq qarym-qatynas ornaǵan ataqty «Astana Opera» teatrynyń ákimshiligine alǵys aıtqym keledi. Eki el arasyndaǵy mádenı baılanystar uzaq jyldar boıyndaǵy berik ári óte tabysty negizge ıe. Endeshe, eshqandaı qıyndyqtarǵa qaramastan, osy baılanystar ary qaraı damı beretindeı birge áreket eteıik, - dedi Reseı Federasııasynyń Qazaqstan Respýblıkasyndaǵy Tótenshe jáne О́kiletti Elshisi Alekseı Borodavkın.
Sonymen qatar onyń aıtýynsha, qazirgi tańda Reseı, Qazaqstan jáne basqa da elderdiń jazýshylary, aqyndary, ártisteri, mýzykanttary óz ónerlerin ortaq jaýymyz – pandemııaǵa qarsy kúresýge belsendi baǵyttap jatqandyǵyn kórýge bolady. «Chaıkovskıı. Online» jobasy – sonyń jarqyn kýási. – Qazaqstanda uly orys kompozıtorynyń 180 jyldyǵyn atap ótý týraly Reseı Elshiligi men Reseı yntymaqtastyǵy ókildiginiń bastamasyn qos eldiń úzdik shyǵarmashylyq kúshteriniń qoldaýy qýantady, - dep qorytyndylady Alekseı Borodavkın.
Qazaqstandaǵy «Chaıkovskıı. Online» konsertin 7 mamyr kúni saǵat 20:00-de «Astana Operanyń» YouTube kanalynan tamashalaýǵa bolady.
Úmit • Keshe
О́nerkásiptiń qozǵaýshy kúshi – ǵylym
Ǵylym • Keshe
Bıznes • Keshe
Pikir • Keshe
Pikir • Keshe
Ustaz • Keshe
Uqsas jańalyqtar
