5 mamyrda kúndiz Túrkistan oblysynyń aýmaǵyndaǵy sý tasqyny saldaryn joıý úshin óńirlerdegi Tótenshe jaǵdaılar departamentterinen quramynda 116 adam, 58 birlik tehnıka, júzý quraldary jáne motopompalar bar qosymsha kúsh jiberildi. Onyń ishinde Shymkent qalasy – 21 adam, 10 birlik tehnıka, motopomp, Jambyl oblysy – 50 adam, 27 birlik tehnıka, júzý quraldary, motopompalar jáne Qyzylorda oblysy 45 adam, 21 birlik tehnıka, júzý quraldary jáne motopompalar jiberdi.
Buǵan qosa 6 mamyrda tańerteń Shymkent qalasy jáne Túrkistan oblysy TJD jeke quramymen 6 tirkemeli motopompa qosymsha kúshter men quraldar jiberdi.
Almaty qalasynan Ulttyq ulan áskerı bóliminiń 160 adamnan jáne 15 tehnıkadan turatyn kúshi túnde Shymkent qalasyna kelip jetip, qazir oqıǵa ornyna bara jatyr.
IIM-niń kelip jetken kúshteri men quraldarynyń jalpy sany jeke quramnan 335 adam, 112 birlik tehnıka, júzý quraldary men motopompadan turady.
5 mamyrda keshke Shymkent qalasynan, Qyzylorda jáne Jambyl oblystarynan kelip jetken TJK kúshteri men quraldary qutqarýshylardy ornalastyrý úshin lager ornatty.
О́tken táýlikte kelip jetken Jambyl, Qyzylorda oblystary men Shymkent qalasy TJD kúshteri 2 mln. jýyq tekshe metr sý soryp shyǵardy. Qoǵaly, Nurly jol, Ferdoýsı, Yrysty, Qaraqyr, О́rgebas eldi mekenderinde uzyndyǵy 15 shaqyrym bógetti nyǵaıtyp, 85600 qum salynǵan qap tósedi. Qosymsha tartylǵan ınjenerlik tehnıka Myrzakent kentinde shatyrly qalashyqta ornalasqan. Árbir 2 saǵat saıyn sý deńgeıine monıtorıng júrgiziledi, jedel shtabtyń turaqty baqylaýynda. Sý basqan ýchaskeler men qaýipti eldi mekender aımaqtarynyń ahýaldyq kartasy ázirlendi.
Jedel shtab Myrzakent eldi mekeninde aýdandyq ákimdik ǵımaratynda ornalasqan. Shtabta QR IIM TJK jáne Ulttyq ulannyń, QR UQK ShQ, Túrkistan oblysynyń TJD, Túrkistan oblysynyń polısııa departamentiniń ókilderi jumys isteıdi.
Avarııalyq-qutqarý jáne kezek kúttirmeıtin jumystardy júrgizýge ishki ister, qorǵanys mınıstrlikteriniń jáne jergilikti atqarýshy organdardyń 986 adam, 180 birlik tehnıka men 4 júzý quraly jumyldyryldy. Joıý jumystaryna qutqarýshylar, polısııa qyzmetkerleri, áskerı qyzmetshiler, jergilikti atqarýshy organdardyń qyzmetkerleri, eriktiler qatysýda.
