Oraz Musaǵalıuly 1931 jyldyń 7 mamyrynda Shyǵys Qazaqstan oblysynyń Zaısan aýdanynda dúnıege keldi. Ol segiz qyrly, bir syrly azamat edi. Velosport pen dopty hokkeıden el birinshilikterinde dara shyqqan qandasymyz boks, jeńil atletıka jáne voleıboldy da erkin meńgerdi.
Desek te sportshy retinde Oraz muz aıdynynda tanyldy. Konkıshilerdiń 5 000, 10 000 metrlik qashyqtyǵy jáne kópsaıystan ol Qazaqstannyń 12 dúrkin chempıony atandy. Kóptegen rekordtar qoıdy. KSRO quramasy sapynda birqatar halyqaralyq dodalarǵa qatysty. Qytaıdyń ashyq birinshiliginiń eki dúrkin jeńimpazy ataǵyna qol jetkizdi. Keıinnen bapkerlik qyzmet atqardy, sporttyq jýrnalıstıkaǵa den qoıdy.
«Jaratýshy súıgen qulyn erte alady» demekshi, Oraz Qańlybaevtyń ómiri qyrshynnan qıyldy. Ol 1978 jyldyń 5 shildesinde qaıtys boldy Ataqty konkıshi nebary 47 jyl ǵumyr keshti...
