Qor kepildik ótemaqylardyń qarjylandyrylatyn negizde tólenýin qamtamasyz etý úshin negizinen kepildik júıesine qatysatyn barlyq bankterdiń toqsan saıynǵy jarnalary esebinen arnaıy rezerv qurylatynyn túsindirdi. Qazirgi ýaqytta QDKBQ jarǵylyq kapıtaly mólsheriniń 70%, taratyp aıtqanda 619 mlrd teńge, arnaıy rezervte 509 mlrd teńge jınaqtalǵan. «Halyqaralyq standarttarǵa sáıkes salymshylardy qorǵaý júıesiniń rezervteri kútiletin shyǵyndar deńgeıine sáıkes kelýi kerek jáne iri bankterdiń nemese búkil qarjy júıesiniń depozıttik bazasyn qamtymaýy kerek. Depozıtterge mindetti kepildik berý týraly» Qazaqstan Respýblıkasynyń Zańynda talap etilgennen joǵary, barlyq kepildendirilgen salymdar somasynyń kem degende 5% quraıdy», deıdi QDKBQ habarlamasynda.
Sondaı-aq, halyqaralyq tájirıbede depozıtterge kepildik berý (saqtandyrý) qorlarynda salymshylardy qorǵaýdyń basqa quraldary bar ekendigi belgili. QDKBQ – depozıtterge kepildik berý júıeleriniń halyqaralyq qaýymdastyǵynyń múshesi bola otyryp, problemaly banktermen jumys isteýdiń birqatar mehanızmderin usyndy.
Osy tetikterdiń biri – aktıvter men mindettemelerdi basqa bankke nemese depozıtterge kepildik berý júıesine qatysýshy bankterge berý. Bul óz kezeginde kepildik ótemaqyny tóleýdi jáne sáıkesinshe QDKBQ rezervterin paıdalanýǵa jol bermeıdi.
Halyqaralyq standarttarǵa sáıkes jasalǵan baǵalar qazirgi jaǵdaıda arnaıy rezerv jetkilikti ekenin kórsetedi. Arnaıy rezervtiń tapshylyǵy ekitalaı bolǵan jaǵdaıda, QDKBQ Ulttyq Bankke kómek suraı alady.
«Joǵaryda aıtylǵandardyń bári ekinshi deńgeıdegi bankterdiń jumysyna teris ssenarııler týyndaǵan jaǵdaıda Qazaqstannyń barlyq turǵyndaryn qorǵaýǵa baǵyttalǵan salymshylardy qorǵaý júıesiniń turaqtylyǵyn kórsetedi», delingen QDKBQ habarlamasynda.
Esterińizge sala keteıik, saqtandyrý jaǵdaıy týyndaǵan kezde QDKBQ kepildik ótemdi depozıttik qaldyq somasynda tóleıdi, biraq ulttyq valıýtadaǵy jınaq salymdary úshin 15 mıllıon teńgeden, teńgemen basqa depozıtter úshin 10 mıllıon teńgeden, shetel valıýtasyndaǵy 5 mıllıon teńgeden aspaıdy.
