Aslan Habıuly 1961 jyldyń 4 aqpanynda Soltústik Osetııanyń Alagır aýdanynyń Sýadag aýylynda dúnıege keldi. Erkin kúrespen shuǵyldanǵan ol bozbala kezinen dara talantymen oqshaýlandy. О́z qurdastary arasynda ótken kóptegen asa iri halyqaralyq jarystarda jeńis tuǵyryna kóterilgen balýan eresekter dýynda da bıik belesterdi baǵyndyrdy. Atap aıtsaq, úsh ret álem chempıonatynda, eki ret Eýropa birinshiliginde, tórt ret álem kýbogynda. Dostyq oıyndary jáne Izgi nıet oıyndarynda qarsylas shaq keltirmeı, bas júldelerdi oljalady.
Aslan Hadarsevtaı aryndy balýannyń jeńisti joly odan ári jalǵasatanyna eshkimniń kúmáni joq edi. Alaıda ol óz elinde jol apatyna ushyrap, sol jerde jan tásilim etti.
Aslannyń qoly jetpegen bıikterdi keıinnen onyń týǵan inisi jalǵastyrdy. Kúres álippesin týǵan aǵasynan úıregen Maharbek Hadarsev Seýl jáne Barselona Olımpıadalarynyń jeńimpazy, Atlanta Olımpıadasynyń kúmis júldegeri atandy. Álem men Eýropa chempıonattaryn bes retten utyp, taǵy birneshe márte aıtýly dodalarda júldeli oryndardy ıelendi.
