Oblys aýmaǵynan soǵystyń tórt jylynda 74 myń adam soǵysqa alynyp, onyń 34 myńy maıdan dalasynda qalǵan eken. Jerlesterimizdiń júrgen izin qarasaq, olardyń Eýropany jaıaý ótkenderimen qatar Qıyr Shyǵystyń da taýly-tasty dalasyn belden keshkenderi kóp eken. Tipti soǵystan keıingi Ýkraına, Baltyq respýblıkalary aýmaǵyndaǵy orman ishine jasyrynǵan bandalarmen kúreskender kóp bolyp shyqty.
Jerlesterimizdiń birazy 1941 jyly oblys aýmaǵynda qurylǵan 314-shi atqyshtar dıvızııasynyń quramynda soǵysty. Keıin Kýtýzov ordenin alyp, «Kıngısepp dıvızııasy» degen qurmetti ataqqa ıe bolǵan ol Novgorod oblysynda, Karel maıdanynda, Lenıngrad oblysyndaǵy «Lodeınoe polede» jáne t.b. jerlerde soǵysqan. 1944 jyly Lýga ózenin keship ótip, Lenıngrad oblysyndaǵy Kıngısepp qalasyn azat etýde aıryqsha kózge túsken. Soǵysty «Praga operasııasyna» qatysyp, 1945 jyldyń 11 mamyrynda aıaqtaǵan.
Otan qorǵaýshy kúninde saltanatty sapqa turǵan polısııanyń Petropavl garnızony aldynda jerles maıdangerlerdiń otansúıgishtigi men erligi týraly aıtylyp, ishki tártipti baqylaý arqyly halyq tynyshtyǵyn kúzetetin qyzmetkerlerge olardyń úlgisiniń ónege bolý kerektigi atap ótildi. Osy sap túzeýde birqatar ofıserler men serjanttar polısııa departamentiniń nagradalarymen marapattaldy. Saltanatty sátte alty polısııa qyzmetkerine kezekti ataqpen pogondar tabys etildi. SQO PD bastyǵynyń orynbasary polısııa polkovnıgi Qapez Dáýletbaev nagradalardy tabystaı otyra, óz qyzmettik boryshyn atqarýǵa jaýapkershilikpen qaraý - halyqtyń qaýipsizdiginiń kepili ekendigin atap ótti.
Soltústik Qazaqstan oblysy
