«Úkimet eldegi áleýmettik-ekonomıkalyq turaqtylyq pen jumyspen qamtýǵa baǵyttalǵan daǵdarysqa qarsy sharalardy iske asyrýǵa 5,9 trln teńgeni baǵyttaıdy. Bul qarajat respýblıkalyq bıýdjet esebinen 3,4 trln teńgege jáne bıýdjetten tys qarajat esebinen 2,5 trln teńgege qamtamasyz etildi. Negizinen shyǵyndar halyqty jumyspen qamtýdy ulǵaıtýǵa aı saıynǵy kiristerdi joǵaltýyna baılanysty tólemderge, áleýmettik tólemderge, turǵyn úı qurylysyna jáne Memleket basshysynyń basqa da tapsyrmalary boıynsha baǵyttalady», dedi Álıhan Smaıylov.
Onyń aıtýynsha, jumyspen qamtýdyń Jol kartasyn qarjylandyrýǵa 1 trln teńge qarastyrylǵan. Onyń ishinde respýblıkalyq bıýdjet qarajaty esebinen - 300 mlrd teńge, bıýdjettten tys qarajat - 700 mlrd teńge. Osy qarajat sheńberinde óńirlerde ınfraqurylymdyq jobalar iske asyrylatyn bolady. Sondaı-aq 255 myń jumys orny qurylady.
