Bul kún Naýryz meıramynyń bastaýyn bildirip, adamdardyń bir-birine yqylas tanytyp, dástúr sabaqtastyǵyn jalǵastyratyn birlik pen izgiliktiń nyshany sanalady.
Merekelik baǵdarlamanyń negizgi ózegin respýblıkalyq mádenıet uıymdarynyń is-sharalary quraıdy.
Qazaqstan Respýblıkasynyń Ulttyq ortalyq mýzeıinde «Kórisý kúni – tatýlyqtyń bastaýy» atty mádenı-tanymdyq is-shara ótedi. Ulttyq mýzeıdiń Atrıýmynda «Amal merekesi – izgilik pen birliktiń belgisi» atty baǵdarlama uıymdastyrylady. Quddys Qojamııarov atyndaǵy Respýblıkalyq memlekettik akademııalyq uıǵyr mýzykalyq komedııa teatry «Naýryz – teatrlar men mádenıetterdiń qaýyshý merekesi» jobasyn usynady. «Astana Opera» teatrynda «Kúımen kelgen Kórisý» atty konsert ótse, Ábilhan Qasteev atyndaǵy Memlekettik óner mýzeıinde «Kórisý kúni – Amal merekesi» aksııasy uıymdastyrylady.
Astanada ulttyq oıyndarǵa arnalǵan «Tartys Fest» festıvali ótedi. Festıval aıasynda arqan tartý jarystary jasandy ıntellekt tehnologııalaryn qoldana otyryp ótkiziledi. Almaty qalasynda Kóktóbe alańynda qazaqstandyq estrada juldyzdarynyń qatysýymen «Kórisý kúni – Amal merekesi» atty merekelik konsert uıymdastyrylady.
Bul kúni merekelik is-sharalar elimizdiń óńirlerin de qamtıdy. Aqmola oblysynda «Kórisý kúni» dástúrine arnalǵan konserttik baǵdarlamalar josparlanǵan. Túrkistan oblysynda «Kórisý kúni – Amal merekesi» atty oblystyq chellendj ótedi. Al, Batys Qazaqstan oblysynda kórermenderge «Naýryz dýman» atty merekelik konsert usynylady.
Osylaısha, «Kórisý kúni» Naýryznama onkúndigin ashatyn, ulttyq dástúrler men mádenı qundylyqtardy zamanaýı qoǵamdyq mazmunmen sabaqtastyratyn erekshe kún retinde, qoǵamda syılastyq, birlik pen ıgi bastamalar rýhyn nyǵaıta túsedi.
Naýryznama onkúndigi aıasynda «Referendým – 2026» atty onlaın marafon ótedi
