2026 jylǵy 11 qańtarda amýr jolbarystary Bentlı men Iаrgıdiń otbasynda úsh birdeı kúshiktiń dúnıege kelýi zoobaq úshin erekshe jańalyq boldy. Alǵashqy aptalarda olar enesiniń janynda bolyp, kútimde ósti. Kóktem túse kúshikter ashyq volerge shyǵarylyp, jańa ortaǵa beıimdele bastady. Qazir olar ana sútimen qatar, qatty azyqqa da qyzyǵýshylyq tanytyp, kún sanap belsendiligi artyp keledi.
Almaty haıýanattar baǵy turǵyndardy shyrshalarǵa ekinshi ómir syılaýǵa shaqyrdy
Kóktemgi maýsymǵa baılanysty jylýdy jaqsy kóretin janýarlar jazǵy ashyq alańdarǵa kóshirildi. Pilder, kerikter, múıiztumsyqtar, zebralar, tapırler men pelıkandar tabıǵı ortaǵa jaqyn keńistikte erkin qozǵalyp júr.
Naýryz merekesi kúnderi zoobaqqa shamamen 40 myń adam kelip, bul kórsetkish rekordtyq deńgeıge jetti. О́tken jylmen salystyrǵanda kelýshiler sany 23 paıyzdan astamǵa ósken.
Zoobaq dırektory Seıilhan Ákilbekovtiń aıtýynsha, mereke kúnderi kelýshiler aǵyny aıtarlyqtaı artqan. Sondaı-aq úsh amýr jolbarysy kúshiginiń dúnıege kelýi – mekeme mamandarynyń eńbeginiń nátıjesi ári mańyzdy oqıǵa.
Qazirgi ýaqytta zoobaqta ınfraqurylymdy jańartý, janýarlarǵa qolaıly jaǵdaı jasaý jumystary jalǵasyp jatyr. Sonymen birge kelýshilerge arnalǵan tanymdyq baǵdarlamalar da keńeıtilýde.
