11 mamyrǵa deıin Batys Qazaqstan oblysy aýmaǵynda koronavırýs ınfeksııasymen aýyrǵan 252 adam tirkelgen eken. Onyń 80,3%-y, ıaǵnı 203 adam indetti basqa jaqtan juqtyryp kelgen. Taratyp aıtsaq, Reseı Federasııasynan – 158 adam, Germanııadan – 1, Atyraý oblysynan – 44 adam aýyryp kelgen. Sonyń ishinde 43 adam – «Teńizshevroıl» kompanııasynyń jumysshylary. Sondaı-aq tranzıttik júk tasymaldalymen aınalysatyn júrgizýshiler arasynan О́zbekstan Respýblıkasynyń – 4, Tájikstannyń – 2, Qyrǵyztannyń – 1 azamaty indet juqtyryp, Oraldaǵy juqpalyaýrýlar aýrýhanasynda emdelip shyqty.
Budan bólek, joǵarydaǵy naýqastarmen qarym-qatynasta bolyp, indet juqtyrǵan batysqazaqstandyqtardyń sany – 49 bolǵan. Munyń basym kópshiligi, ıaǵnı 41-i – medısına qyzmetkeri. Oblysta 100 myń turǵynǵa shaqqanda syrqattanýshylyq kórsetkishi 38,4 quraǵan.
- Búgingi tańda «Teńizshevroıl» kompanııasynan oblysymyzǵa 2050 azamat keldi. Qazir 1195 adam úı jaǵdaıynda oqshaýlanǵan, olarǵa dárigerler kún saıyn qońyraý shalyp, hal-jaǵdaıyn bilip otyr. 561 adamda ınkýbasııalyq kezeń aıaqtaldy, - deıdi Nurlybek Mustaev.
Búginge deıin Batys Qazaqstan oblysynda indetten 96 adam jazylyp shyqty. Olar aýrýhanadan shyqqan soń taǵy 14 kún boıy úı oqshaýlaýynda, medısınalyq qyzmetkerlerdiń baqylaýynda bolady.
Batys Qazaqstan
