Qosymsha koronavırýstyń taralýy qazir qandaı kezeńde ekenin jáne bılik shekteý sharalaryn qataıtý nemese jumsartý kerek ekenin túsinýge kómektesip, osyǵan baılanysty qabyldanǵan sheshimderdi úılestirip otyrady.
Marıanonyń aıtýynsha, Dúnıejúzilik densaýlyq saqtaý uıymynyń bastamasy, eń aldymen, qajetti baǵdarlamalyq jasaqtamany derbes jasaı almaıtyn memleketterge kómektesýge baǵyttalǵan. «Kez kelgen úkimet bizdiń qosymshamyzdyń bastapqy kodyn qoldana alady, ár aımaqqa qajetti fýnksııalardy qosyp, turǵyndar úshin qosymshanyń óz nusqasyn shyǵara alady. Onyń kómegimen bılik karantın sharalaryn qataıtý nemese jumsartý arqyly pandemııa jaǵdaıyna tezirek jaýap bere alady», dedi Marıano.
Ol DDU qosymshany shyǵarý mamyr aıynyń sońynda josparlanǵanyn atap ótti. DDU shyndap kirisken tehnologııa kem degende bes mınýt bir-birimen jaqynnan aralasqan azamattardyń telefondar arasyndaǵy vırtýaldy «qol almasýǵa» negizdelgen dep boljanady. Smartfondardyń kezdesýlerdi uıaly telefonnyń derekter bazasynyń anonımdi jýrnalynda saqtaıdy, keıin test nátıjesi oń bolyp shyqqan azamattar týraly málimetterdi onymen jaqyn baılanysta bolǵan nemese jıi aralastanyn kontaktilerge habarlama jiberýge múmkindik beredi.
Sondaı-aq DDU Apple jáne Google kompanııasymen birlesken tehnologııany qoldaný týraly kelissózder júrgizip jatyr. Buǵan deıin bul kompanııalar derekterdiń anonımdiligin saqtaıtyn júıeni engizetinderin aıtqan bolatyn.
Esterińizge sala keteıik, Úndistanda memlekettik jáne jeke sektor uıymdarynyń barlyq qyzmetkerlerine Aarogya Setu mobıldi qosymshasyn smartfondarǵa ornatý mindetteldi.
Qosymshada Bluetooth jáne GPS júıeleri qoldanylady. Bul paıdalanýshyny yqtımal juqtyrǵan adamdarmen baılanysý týraly eskertedi.
