Sýret: gizmochina.com
Xiaomi bas dırektory áleýmettik jelide jarııalaǵan posty Apple kompanııasynyń gadjetinen jazylǵany kórinip qalǵan. Qytaıdaǵy Twitter analogy Weibo áleýmettik jelisinde Leı Szıýn turaqty túrde oqyrmandarmen tildesip otyrady eken. О́ziniń kezekti postynda qandaı kitaptar oqý kerektigi jaıynda aıtqan qytaılyq alpaýyt kompanııa basshysynyń basy pálege qaldy dese de bolady. Ol post dál sol mezette básekeles kompanııanyń smartfonynan jazylǵany kórinip qalǵan.
Mundaı shataq jaǵdaı buryndary Samsung kompanııasyna da qatysty bolǵan edi. Endi mine, qytaılar osyndaı jaǵdaıdy áleýmettik jelide qatty talqylaýda. О́z kompanııasynyń ónimin mensinbeý naǵyz baryp turǵan soraqylyq degen sarynda pikirler de aıtylýda.
Biraq Leı Szıýndy qorǵaýshylar da tabylyp jatyr. Sonyń biri tanymal analıtık ári Xiaomi kompanııasynyń ınvestısııalyq áriptesi Pan Szıýtan básekeles kompanııa óniminiń sapasyn men ózgeristerin tekserý úshin onyń gadjetin ustaǵanda turǵan eshteńe joq deıdi. Bul qaıta óz qurylǵylaryn jetildirý úshin asa qajet dúnıe eken.
Bir qyzyǵy Xiaomi negizin salýshy adam byltyrlary óz qaramaǵyndaǵy mamandarǵa basqa kompanııalardyń gadjetterin paıdalanýǵa tyıym salǵan aıtqan edi. Endi mynandaı oqys jaǵdaı bolyp otyr.
Aýzy kúıgen bas dırektor endigi posttaryn flagmandyq smartfon Xiaomi Mi 10 Pro arqyly jazýda.
