«Erteńnen, 14 mamyrdan bastap Máskeýdegi О́zbekstannyń elshiligi men Reseıdiń aımaqtaryndaǵy Bas konsýldyǵy Reseıdiń barlyq aımaǵynda júrgen ózbek azamattaryna birjolǵy kómek tóleı bastaıdy. Qarjy elshiliktiń qaıyrymdylyq shotynan alynady», dep habarlady Reseıdegi О́zbekstannyń elshiligi Telegram kanalynda.
Tólemder múgedekterge, 2 jastaǵy bóbegi bar kóp balaly analar men júktilik merzimi jeti aıdan asqan áıelderge, COVID-19 dıagnozy bar azamattar men Reseı ýnıversıtetteriniń kúndizgi stýdentterine tólenedi.
Bir rettik kómek Reseıde belgilengen eń tómengi jalaqy mólsherine teń bolady - 12 130 rýbl ($165).
Aqsha alý úshin ótinimdi ózbek jáne orys tilderinde jumys jasaıtyn mehr.rf elektrondyq portaly arqyly jiberý kerek. О́zbekstannyń elshiligi apta saıyn óziniń veb-saıtynda jáne áleýmettik jelilerde shyǵyndar týraly esep jarııalaıdy.
Reseıdegi О́zbekstannyń elshiligi qaıyrymdylyq kómek kórsetken topqa, onyń ishinde reseılik kásipker Álisher Ýsmanovqa alǵysyn bildirdi.
Buǵan deıin baspasózde Shodıev halyqaralyq qory О́zbekstannan Reseıge kóship kelgen mıgranttarǵa kómek kórsetkeni habarlanǵan.
Máskeý men aımaqtaǵy ózbek azamattaryna azyq-túlik pen dári-dármekterdi tegin jetkizetin «Sahovat» ortalyǵynan qarjy bólindi.
