Nysandar barlyq qyzmetkerler men kelýshiler úshin qatań sanıtarlyq-epıdemıologııalyq rejımdi qamtamasyz etýge mindetti.
«Bıznes basshylary óz qyzmetkerlerin jeke qorǵaný quraldarymen qamtamasyz etýge mindetti: bul medısınalyq maskalar, qolǵaptar, eger jumysqa qajet bolsa qalpaqtar men halattar. Kelýshiler arasynda 2 metr qashyqtyq saqtaýdy baqylaý mańyzdy. Sondaı-aq kirý jáne shyǵý kezinde qoldy óńdeýge antıseptıkter bolýy tıis», – dep atap ótti ınvestısııalar jáne kásipkerlikti damytý basqarmasynyń basshysy Erlan Bekmýrzaev.
Elordalyq kásipkerlerdi sanıtarlyq normalardy qatań saqtaýǵa shaqyrady. О́ıtkeni juqtyrý qaýpi áli de saqtalady.
«Karantın talaptaryna baılanysty, qyzmetkerler jumysqa kelgende, biz dene temperatýrasyn ólshep, jýrnalǵa jazamyz. Sodan keıin olarǵa jańa medısınalyq maskalar men qolǵaptar, bas kıimder men halattar beriledi. Ár saǵat saıyn bakterısıdti shamdardy qosamyz. Qazir bizde aspazdardyń sany shekteýli. Bizdiń kýrerlerimiz ár jetkizýden soń sómkeni mindetti túrde antıseptıkpen óńdeıdi», – dedi elorda meıramhanalarynyń biriniń dırektory Aıda Ádilbaeva.
Keıbir kásipkerler qoldanylǵan maskalar men qolǵaptarǵa arnalǵan arnaıy ýrnalar jáne barlyq kelýshilerdiń dene temperatýrasyn janaspaı ólsheýge múmkindik beretin temperatýrany kalıbrleıtin ınfraqyzyl kameralar ornatty.
«Barlyq kireberisterde antıseptık ornatyldy. Saýda ortalyǵyna betperdesiz kirý shektelgen. Temperatýrany janasýsyz ólsheımiz. Pılottyq nusqa retinde temperatýra kalıbrleý ınfraqyzyl kameralar, sondaı-aq jeke qorǵaný quraldary úshin arnaıy ýrnalar qoıyldy». Kelesi ruqsat etý kezeńderin kútýdemiz» – dedi «Hanshatyr» SOSO operasııalyq dırektory Temirbek Shoqanov.
Sondaı-aq tekserý barysynda kásipkerler kásiporyn jumysyn birtindep qalpyna keltirý boıynsha óz usynystaryn aıtty. Usynystar qaralatyn bolady.
