Talap-aryzdy Qazaqstan Respýblıkasy Saýda jáne ıntegrasııa mınıstrliginiń Tutynýshylardyń quqyqtaryn qorǵaý komıteti (TQQK) usyndy.
Jaýapkerdiń ókili bıletterdi tutynýshylardyń arnaıy tarıf boıynsha satyp alǵandyǵyn dáleldeı otyryp, Komıtettiń talabyn moıyndamaı otyr. Ádette áýekompanııalardyń sharttary boıynsha, eger jolaýshy óz kinási boıynsha mejeli ornyna usha almasa (keshigip, tirkeýden ótpese, ushaq bortyna ótpegen jaǵdaıda jáne t.b) arnaıy tarıf boıynsha satyp alynǵan bıletterdiń quny qaıtarylmaıdy.
Alaıda, bul jaǵdaıda jolaýshylar «Bek Eır» AQ áýekompanııasynyń kinásinen ushyp kete almady. Sondyqtan, «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasynyń Zańyna (86-bap) jáne áýe kóliginde jolaýshylardy, bagajdy jáne júkterdi tasymaldaý Erejelerine (38-tarmaq) sáıkes tasymaldaýshynyń kinásinen 10 saǵattan astam merzimge keshiktirilgen nemese reıstiń kúshi joıylǵan jaǵdaıda tasymaldaýshy jolaýshynyń tańdaýy boıynsha mindetti:
1) jolaýshyny bılette kórsetilgen mejeli ornyna deıin jaqyn reıspen tasymaldaýdy qamtamasyz etýge;
2) jolaýshyǵa bılettiń tolyq qunyn qaıtarýǵa mindetti.
(Ańyqtama. Qazaqstan Respýblıkasy Investısııalar jáne damý mınıstrliginiń 2015 jylǵy 23 sáýirdegi № 540 buıryǵymen bekitilgen).
Sondyqtan TQQK buzylǵan quqyqtardy qalpyna keltirý jáne Azamattarǵa qarajatty qaıtarý jóninde sharalar qabyldaýdy jalǵastyratyn bolady.
Sonymen qatar, TQQK-niń ótinishi boıynsha sýdıa «Bek Eır» AQ-nan kelesi otyrysqa 300 mln teńge tólengen týraly dáleldemelerdi usynýdy talap etti.
Kelesi otyrys 2020 jyldyń 19 mamyryna taǵaıyndaldy.
2020 jylǵy 13 mamyrdaǵy jaǵdaı boıynsha TQQK 670 tutynýshynyń múddesin bildiredi, olar 44 mln teńgeden astam somaǵa 1267 bılet satyp alynǵan.
Komıtettiń talap-aryz boıynsha talaptary:
- Tutynýshylardyń kinásinen bolmaǵan aldyn ala satyp alynǵan bıletterdiń tolyq qunyn óndirip alýǵa «Bek Eır» AQ qyzmetterin alýshy tutynýshylardyń quqyqtaryn moıyndaý.
- Tutynýshylardyń kinásinen bolmaǵan áýereısterdiń toqtatylýy buryn satyp alynǵan bılet shyǵyndardyń tolyq qunyn qaıtarýǵa jaýapkerdi májbúrleý.
- Tutynýshylardyń paıdasyna áýebıletter úshin tólengen somany jaýapkerden izdestirý.
