«Ashyq NQA» portalynda «Halyq alǵysy» medali týraly Prezıdent Qasym-Jomart Toqaevtyń Jarlyǵynyń jobasy ornalastyrylǵan. Onda medal týraly túsiniktemede koronavırýs ınfeksııasyna qarsy kúreste erekshe kózge túsken Qazaqstan azamattaryn kótermeleý maqsatynda osyndaı sheshim jasalyp otyrǵandyǵy jaıly aıtylǵan.
Medalmen nagradtaýǵa usynystardy Qazaqstan Prezıdentine Parlament palatalary, Úkimet, Qazaqstan Respýblıkasy Konstıtýsııalyq Keńesi, Joǵarǵy Sot, mınıstrlikter, ózge de ortalyq memlekettik organdar, Nur-Sultan, Almaty jáne Shymkent qalalarynyń, oblystardyń ákimderi, sondaı-aq qoǵamdyq birlestikter beredi.
