«Kúmistiń máńgilik sáýlesi» vırtýaldy kórmesiniń árbir buıymy shyǵý teginiń geografııasyn, túrli daıyndaý tehnıkasyn, pishinin kórsetedi, álemniń belgili bir halqyna tán áshekeıdiń dástúrli tásilderin tereń túsinýge jáne zerdeleýge múmkindik beredi. О́ıtkeni kóptegen halyqtar mádenıetinde kúmis aıryqsha oryn alady. Kórme jádigerleri qoldanylý maqsatyna qaraı toptastyrylyp, kóptegen elder men halyqtyń sándik-qoldanbaly jáne zergerlik óner tehnıkasy men tásilderi jóninde aqparatpen tolyqtyrylǵan.
Kórme segiz taraýdan turady, onda: ashanalyq kúmister, shaıǵa arnalǵan jıyntyqtar, qumǵandar, sándik tárelkeler, qumyralar, músinder, qobdıshalar jáne jazýǵa arnalǵan san alýan zattar bar. Mysaly, Marııa Tereze patshaıymnyń portreti bar kúmis tabaqshalardy Aýstrııa Prezıdenti T.Klestılden 1999 jyly 1 shildede tartý etken. Al Ýkraına delegasııasynyń «Sıaıvo» sharabyna arnalǵan jıyntyǵy, Úndistannyń Tótenshe jáne ókiletti elshisi syılaǵan kúmis qumǵany men shaı servızi biregeı de qaıtalanbas óner týyndylary deýge bolatyndaı. Zergerlerdiń qolynan shyqqan buıymdar ózgeshe bir daralyq mánerimen, ásemdigimen erekshelenedi.
Kópshilik nazaryna usynylǵan ekspozısııalar respýblıkanyń egemen memleket retinde qalyptasýynan bastap osy kúnge deıingi elimizdiń jańa tarıhynan syr shertip, onyń Tuńǵysh Prezıdenti N.Á.Nazarbaevtyń táýelsiz demokratııalyq memleket qurýdaǵy tarıhı rólin jan-jaqty tanystyrady.
Qazir Elbasy kitaphanasynyń mýzeıinde álemniń 50-den astam eli tartý etken 11 myńnan astam jádiger saqtaýly.
«Kúmistiń máńgilik sáýlesi» vırtýaldy kórmesin presidentlibrary.kz Elbasy kitaphanasynyń saıtynan tamashalaýǵa bolady.
