Sondaı-aq aǵymdaǵy jyly jedel ýákilder sıntetıkalyq preparattar satqan eki ınternet-dúkenniń jumysyn toqtatty. Qazirgi ýaqytta atalǵan faktiler boıynsha sotqa deıingi tergeý júrgizilýde.
SQO Polısııa departamenti Esirtki qylmysyna qarsy is-qımyl basqarmasynyń bastyǵy polısııa polkovnıgi Jandos Basybaevtyń aıtýynsha, jedel ýákilder esirtkimen baılanysty qylmystardy anyqtaý jáne jolyn kesý jumysynan bólek, barlyq qol jetimdi arnalar boıynsha aldyn alý jumysyn da júrgizedi.
Atap aıtqanda, aldyn alý jumysy belgili áleýmettik jelilerde júrgiziledi. «Jyl basynan mektep oqýshylarymen jáne jastarmen esirtkige qarsy kúres baǵytynda dáris, kezdesý men áńgime túrinde 130-dan astam is-shara ótkizildi. Karantındik sharalar kúndelikti jumys rejimin ózgertti, alaıda, «Qamqor» eriktiler klýby kómek kórsetýden qol úzgen joq. Nashaqorlyq taqyrybyna arnalǵan beınerolıkter áleýmettik jeli úshin memlekettik jáne orys tilderinde arnaıy daıyndalyp jasaldy. Ol SQO Polısııa departamenti resmı akkaýntarynyń paraqshalarynda jarııalanyp, jeli qoldanýshylarynyń oń pikirine ıe boldy. Áleýmettik jelidegi jumystan bólek, eriktiler esirtki saýdalaıtyn ınternet-resýrstardyń mekenjaıy salynǵan esirtki graffıtıin boıaýǵa kómektesip turady»,- dedi Jandos Basybaev.
PETROPAVL
