Efırge Prezıdent janyndaǵy memlekettik basqarý akademııasynyń Mańǵystaý oblysy boıynsha fılıal dırektory Aıgúl Demeýova qatysty. Aıgúl Amangeldiqyzy osy jyly memlekettik basqarý akademııasyna oqýǵa túsýdiń negizgi talaptaryn aıtyp, kópshiliktiń suraqtaryna tikeleı efırde jaýap berdi.
Onda memlekettik basqarý akademııasynyń bilim berý baǵdarlamalary tanystyryldy. Sondaı-aq, suhbat barysynda Aıgúl Demeýova Prezıdent janyndaǵy memlekettik basqarý akademııasyna oqýǵa memlekettik qyzmetshiler ǵana emes, qalaýy boıynsha azamattarda túse alatynyn ol úshin arnaıy talaptardyń bar ekenin jetkizdi. Sondaı-aq, memlekettik grantqa ıe bolǵan oqýǵa túsýshiler úshin sheteldik taǵylymdamadan ótý múmkindikteri qarastyrylǵan.
Aıta keteıik, 2018 jyly qańtar aıynda jumysyn bastaǵan fılıal memlekettik qyzmetshilerdiń biliktiligin arttyrý, kásibılendirý maqsatynda oń ózgeristerge qol jetkizip otyr. 2019 jyl boıynsha memlekettik akademııaǵa 7 mańǵystaýlyq memlekettik qyzmetshi oqýǵa túsken. Onyń bireýi doktorantýra, qalǵany magıstratýra baǵdarlamasy boıynsha bilim alyp otyr. Al oblys boıynsha bıyl oqýǵa túsý úshin ótinishter kelip túsken. Nátıjesi aǵymdaǵy jyldyń tamyz aıynda belgili bolady.
Mańǵystaý oblysy
