Maqtaaral aýdanynda tótenshe jaǵdaı jarııalanǵaly qazaqstandyqtar zardap shekken óńir turǵyndaryna gýmanıtarlyq kómek jóneltip keledi. Bul rette bloger Dáýlet Muqaevtyń da oqyrmandary qalys qalmady. Jaǵdaıdy estı sala oqyrmandar Dáýletke maqtaaraldyqtarǵa kómek kórsetý maqsatynda aqsha jınaýyn ótingen. Nátıjesinde Dauletten qaıyrymdylyq qoryna 24 saǵat ishinde 23 mln 600 myń teńge jınaldy. Jınalǵan qarjy óńirdegi mektep bitirýshi túlekter, sonyń ishinde Ulttyq biryńǵaı testileýge qatysatyn oqýshylarǵa noýtbýk alýǵa jumsaldy.
Keshe «Bilimdiniń kúni jaryq» uranymen shyqqan júk kóligi Maqtaaralǵa jetti. Noýtbýktar Myrzakent kentindegi №4 S. Rahymov atyndaǵy jalpy orta mektebiniń akt zalynda oqýshylarǵa úlestirildi. Sondaı-aq Dáýlet Muqaev oqýshylarǵa óz qoltańbasy qoıylǵan «Bızneske baǵdar» atty kitabyn syıǵa tartty. Blogerdiń jelidegi oqyrmandary bul qaıyrymdylyq maqtaaraldyq túlekterge UBT aldyndaǵy myqty motıvasııa bolary sózsiz ekenin jarysa jazyp jatyr.
